Dream

营业中

休息中

明太子蟹肉炸油条（$108）： 有特色又好味，蟹肉酱的蟹肉份量慷慨，油条其实系自家制酸种面包炸的，食落外脆内烟韧，十足唔甜版牛脷酥，夹埋食很赞！炸鱿鱼须（$98）：平时酒吧嘅价钱，但用料较讲究，鱿鱼须是纽西兰货，加上自家调配的炸浆，炸得轻、薄、脆， 赔偿是拉差蛋黄酱，很滋味！海味手工意大利粉（$198）：用咗濑尿虾干虾米瑶柱同埋新鲜优质八爪鱼，意粉用兰王蛋自己整。意粉有咬口，八爪鱼鲜甜弹牙，用料是好的，但出嚟效果系个意粉同𠮶啲配料唔系好埋冷。食呢种意粉，正常期望系creamy嘅酱汁或者炒得香口干身，但好可惜呢个意粉做唔到，相对出色嘅前菜，呢个系比较失望。姜汁焦糖炖蛋（$90）：一毕开嘅时候，啲姜味已经扑鼻，炖蛋好滑，加埋够姜，好好味！开咗支白酒（$488），有冰桶，又会帮我哋斟酒，算唔错。呢度嘅酒呢系支装卖，有红白酒各两款，冇杯装卖。另外，自携酒水开瓶费系100蚊。其实餐厅嘅环境几舒服, 好啱把酒谈心，唯一嘅可惜系佢哋晚上10：00就要闩门，系9：45就要清场𠮶种。如果想坐耐啲，最好食午市。