住家菜 (柯士甸道)

营业中

休息中

其实点为之住家菜? 我理解系平凡食材，心思取胜。首先嗌咗两碗老火汤，个汤饮落真系煲得耐𠮶种，汤料亦足，猪骨薯仔，薯仔煲到粉粉地，好饮。侍应推介呀嫲鸡，话系招牌菜，我地嗌咗，喺好高期望下依然冇失望。阿嫲鸡其实就系沙姜鸡，沙姜鸡最紧要腌同蒸个时间，要够时间将沙姜粉同绍酒腌得入味但又唔会太咸，蒸得熟又唔会鞋，呢两样做得的确好好，最难得系摊冻咗都唔觉得只鸡油，唔知系咪新鲜鸡，但平时出去食麻辣鸡煲或炸鸡都会冚唔住浸雪味，但今次蒸嘅又食唔到有。阿嫲鸡有少少芝麻铺面，半只两个人食仍意犹未尽。另外嗌咗肥牛粉丝煲同柱贝鱼汤杂菜煲。肥牛粉丝煲薄切肥牛肥瘦恰当，捞饭惹味。柱贝鱼汤杂菜煲对于我一个唔钟意食菜嘅人唻讲真系好好味，底个汤嘅海鲜味够浓，煲到啲菜又淋又甜，清哂。食完仲有中式糖水上，两个人都只系348，抵食。