餃里 (宏輝大廈)

营业中

休息中

饺子绝对系我comfort food三甲之内，平时屋企唔知食咩既时侯都会煮饺子。 最近饺里系炮台山开分店，即使今日落雨都无阻我对饺子既热爱，去左炮台山买外卖。炮台山分店只做外卖，店内完全无堂食座位。汤饺同煎饺种类好多，而芝士粟米、咖喱同泡菜味只有煎饺。餐厅既饺子系即叫即包即煮，肉馅系即日做，食材新鲜。- 和风椰菜咖喱鲜肉煎饺外皮煎到好脆，肉汁丰富，第一啖系微辣既咖喱味，然后食到爽脆既洋葱馅，味道有层次👍🏻- 椰菜鲜肉汤饺汤底转左住家蕃茄薯仔肉碎，味道非常清甜，饮晒都唔会口渴，好有家既味道🥰。汤饺外皮好薄，但仍然挺身同弹牙。每一粒汤饺都好大粒饱满，证明馅料非常丰富，菜肉比例啱啱好。- 饺里捞面捞面几粗身，袐制酱汁加上菜甫令平平无奇既捞面变得出色🤩饺子既价钱好似有啲贵，但饺里一只饺子既大小等于出面餐厅既两只，真系好足料，味道又出色，所以我认为几抵食。