六合小廚 (已結業)

平时出街谂唔到食咩嘅时候，最好嘅选择当然系港式茶餐厅喇🤗拣六合小厨系因为见到佢有好多好评，而且我又想食中菜🙈如果两个人食又唔想捻，其实食佢个二人套餐都几抵食。有菜有肉有汤都系二百蚊松啲。不过我男朋友指名要食煎蚝饼，但又冇一个套餐有，所以我地唯有散叫。😞成日出街食饭都好耐无饮下汤，所以我地就叫左个蕃茄薯仔鱼尾汤，沙拉猪扒同蚝饼。个鱼尾汤俾我想像浓，食落就可以闻到鱼汤底嘅鲜味，配上番茄同薯仔都真系几有返屋企饮住家汤嘅感觉😋沙拉猪扒同蚝饼个份量真系俾想像中大，我谂我地叫多两个人都够食，系尖咀来说，呢个价钱呢份量都几抵食。我地慢慢食都食唔晒🤣蚝饼热辣辣新鲜整好即刻上台😍好热，大家小心烫咀。啖啖嘅蚝仔，非常鲜甜。味道俾我上星期系潮州酒家食嘅都差唔多。沙拉猪扒就最适合送白饭，沙拉汁酸酸甜甜真系好开胃。