影片
更多
2014-09-11
2358 浏览
吸引小弟嚟到Gianni's，都喺因为其打正旗号充满家庭风味嘅传统意大利南部特菜色，小店位处正正伊利近街及些利街街口，亦即喺搭半山自动扶手电梯，上到伊利近街街口，抬头左望有个好欧陆式绿色帐篷𠮶一层就喺嘞。一出电梯就喺餐厅，叫得小店，就当然唔大，目测所见都喺大概40多个位左右，但布置有种清雅纯朴嘅格调，一派传统意国小店嘅风格。而另一边，一幅仍仿砖墙，加添意国农村家庭气氛，让人坐得倍感轻松 。枱上嘅餐具，相信最吸晴喺个折成西服形嘅餐巾，实在有趣 。翻一转餐牌，选类大致分为前菜、沙律、意大利饭、意粉、海鲜、肉类、甜品，每一项都喺三数款，或六、七款，选择唔算多，但贵乎精，犹以意粉嘅菜式比较多，足足有9款选择，而且，意粉全部自家手制 。 面包篮就好似所以意大利餐厅，首先送上嘅面包篮有两款面包，一款法式百吉包，另一款油角包，前者简单配橄榄油、黑醋就可以喇，而后者入口几似我哋广东嘅咸煎饼，不过，咸咗啲，要沾多少少黑醋嚟平衡吓。 Bruschette di pane casereccio Pugliese con cherry tomatoeRucola $58 (Puglia Farme
一出电梯就喺餐厅，叫得小店，就当然唔大，目测所见都喺大概40多个位左右，但布置有种清雅纯朴嘅格调，一派传统意国小店嘅风格。而另一边，一幅仍仿砖墙，加添意国农村家庭气氛，让人坐得倍感轻松 。
枱上嘅餐具，相信最吸晴喺个折成西服形嘅餐巾，实在有趣 。
翻一转餐牌，选类大致分为前菜、沙律、意大利饭、意粉、海鲜、肉类、甜品，每一项都喺三数款，或六、七款，选择唔算多，但贵乎精，犹以意粉嘅菜式比较多，足足有9款选择，而且，意粉全部自家手制 。
面包篮就好似所以意大利餐厅，首先送上嘅面包篮有两款面包，一款法式百吉包，另一款油角包，前者简单配橄榄油、黑醋就可以喇，而后者入口几似我哋广东嘅咸煎饼，不过，咸咗啲，要沾多少少黑醋嚟平衡吓。
Bruschette di pane casereccio Pugliese con cherry tomatoeRucola $58 (Puglia Farmer Bread served with Sicily Cherry Tomato and Roquet)
8款前菜中（$58-$188），依个平平哋，以南意嘅农夫包配西西里车厘茄嘅开胃小食，农夫包色泽黝黑，烟韧有麦香，车厘茄蘸满橄榄油铺晌包上，酸甜多汁，为晚饭揭开序幕。
Coccio Caldo ai Forno con Involtini di Scamorza Affumicata e Speck $118(Smoked Hard Italian Cheese with Parma Ham served in a Clay Pot)
另一道前菜喺依个「小砵」，将意大利硬芝士加入巴马火腿及大磨菇同焗，焗后芝士半溶，拉出丝丝绵柔，芝士味芳香，将火腿及磨菇跟芝士一齐放入口，虽然惹味甘香，其实味道颇「漏」，建意不如配点百吉包，效果可能更好。
Insalatina di Mare con Olio e Limone $148 (Flavored Seafood Salad with Cattle Fish, Crab, Octopus and Shrimps)
依一道海鲜沙律几有睇头，八爪鱼粗大软腍，八爪鱼味道浓郁，伴有薯仔、西芹、柠檬、黑橄榄，简简单单以橄榄油及香草调味，好让食到食材本物鲜味 。只可惜无晒鱿鱼、蟹肉及鲜虾，令依道「海鲜」沙律打咗折扣。
Orecchiette Pugliesi mantecate con Cavolfiore e Pancetta Sfritta $168 (Home-made South Italian ear-shaped pasta with Cauliflower and Pancetta)
意粉绝对喺意菜嘅代表，店家嘅意粉自家全手制，实在令人期待。先出场有耳仔形意粉，睇见意粉大小、形态不一，就更肯定喺花功夫嘅「手作仔」，诚意嘅表现。意粉只用橄榄油及蒜头去煮，回归简朴，食时带有浓香蒜味，满有橄榄油香，如下少啲橄榄油就更合小弟心水，而意粉口感不俗，或许小弟少见识，配菜心就总喺有少少怪怪嘅感觉。
Linguine Marinara con Vongole Veraci e Vino Bianco o al Pomodoro $188 (Noodles with live clams, Garlic, Olive oil and White Wine or Tomato)
另一道意粉亦好别出心裁，卷形有啲似贝壳嘅卷心意粉，入口有咬口，一样带有浓郁蒜香，主角嘅活蚬蚬肉鲜甜，有海水嘅咸鲜，配菜改用鹰嘴豆，效果唔错，无乜花巧嘅卖相，卖嘅就喺家庭风味 。
Saltinbocca di Vitello alla romana $228 (Veal Scaloppine served with Ham or Marsala Wine)
牛仔肉或许肉味无咁浓，牛味较淡，但肉质细嫩及脂肪少喺其特点，加上薄切，所以入口牛仔肉颇为软腍；加入烟肉及白酒去煎煮，多添几分惹香，而配菜嘅薯仔亦做得好食，内粉外脆，又有薯香 。
店员很专业，服务好到位，而大厨Gianni不时出嚟跟客人或熟客打打招呼，一派慈祥爷爷嘅模样，好似跟一班返嚟屋企食饭嘅孙仔孙女寒暄问暖咁，有一份亲切感 。
题外话/补充资料：
店中无免费开水，意大利矿泉水$60一支。
(以上食记乃用户个人意见 , 并不代表OpenRice之观点。)
张贴
