新蒸武門 (已結業)

A姐自从玩咗瑜珈之后，就少咗煮饭喇。我好想饮汤！我好想食住家饭呀！A姐知道咗我心声之后，佢终于...带我去食住家饭喇！呢间位于观塘骆驼漆大厦嘅新蒸武门，主打家常小菜，仲标榜无味精，清淡又够健康，真系好有家嘅味道，咁A姐以后就可以安心玩瑜珈啦！脆皮墨鱼条夏天就特别钟意食香口嘢喇，呢个墨鱼条外皮好香脆，唔算太油腻，入面有超多墨鱼粒，好有口感。冰镇鲍鱼鲍鱼无用太多嘅调味，令你可以食到鲍鱼嘅原汁原味，爽口又有口感。猴头菇海底椰炖汤原盎上嘅炖汤，够晒足料，猴头菇索晒汤嘅精华，好滋润！豉油皇虎虾只只虾都好大只，仲好新鲜弹牙！而豉油味香浓，仲带出虾嘅鲜味，而虾嘅表面铺满炸蒜，好香口。时菜炒龙虿球龙虿球份量唔少，够厚肉又无骨，配上西兰花同三色椒，色香味俱全。虫草花荷叶蒸鸡用上蒸笼同荷叶蒸鸡，令鸡嘅味道多咗一份荷香，鸡肉嫩滑多汁，好好味。金菇蒸豆腐淡口嘅豆腐就一定要配上浓厚嘅茨汁，除咗金菇之外，仲有冬菇同索晒味嘅粉丝，口感软滑，捞饭一流。榄菜肉碎炒饭榄菜味道咸香，用嚟炒饭就一流。而呢个榄菜肉碎炒饭好有镬气，好惹味。By A姐M佬