名人私房菜 (已搬遷) 新店位置

黎得食私房菜，当然有所期望，想食平时系屋企未必食到既野，但又想有住家feel既食物，呢间私房菜似乎做到。先黎红萝卜菜干猪肺汤，一睇色水就知道系老火汤黎，红萝卜菜干煲到出晒味，加上猪肺就零舍滋润，猪肺食落更加系弹牙爽滑，我钟意。跟住黎豆鼔蒸白鳝，白鳝蒸既时间系刚刚好，食落除左超滑，仲食得出鳝肉既鲜甜味，虽知道鳝肉鲜起上黎比其他深海鱼可以更鲜。豆鼔味浓而不咸，加上葱花既香，食落真系香而鲜。跟住呢味系黑椒虾碌，每只虾都炒到非常香，虾壳脆香，虾肉鲜而拌上黑椒粒，所以味道系非常惹味，个人认为比避风塘炒法更正。钟意食猪手既朋友不容错过啦，南乳猪手煮到非常香，猪手外皮煮到超脆，而且口感充满骨胶原，而无论外皮或猪手肉都有香浓南乳味道，呢种煮法比普通炆猪手味道更吸引呀。