中意仿

营业中

休息中

近排学人睇中医调理身体，叫我唔好食咁多“发物”，即系中医口中的鸭鹅牛肉。今朝喺鲤景湾附近睇完中医，中午就趁记得时乖乖地戒口。在海边云云西餐厅中，这间卖住家中菜仍极受欢迎，可见食物质素不错。早上11:55黎到，店主话仲未开门，可以坐住等12点开门，另外一台家人都等紧。咁我睇住餐牌先啦，午餐标榜无味精。喺呢个戒口时期就清清地点左梅菜蒸猪肉食，午餐连白饭同菜(HK$88)。等左15分钟，期间，侍应有拎个靓靓甜品碟问我加唔加，我好坚定地唔加之后，仲要再之次问我加唔加糖水。我同佢讲我要戒口唔食得呢样𠮶样，佢就放过我了。𩠌菜十分热，蒸肉饼是手削的，肉块大细不一，粉丝绍菜十分健康，一点也不油腻。肉饼份量不多，但真材实料，梅菜味渗入了猪肉，最重要是不会蒸得太老! 猪肉仍然嫩口!每个还跟瓜或菜，和住家饭口味十分近似。如果想食清啲嘅，呢度绝对系个好选择。星期六早上，食到12点45分都未见多人，静静地吃一顿也不错。