新蒸武門 (已結業)

今日同老公去观塘行街，顺便食咪晚饭先返屋企经过呢间见到入面好爆场，我谂应该好食，所以同老公决定食呢间啦，咁啱有张2人台，唔洗排队图中杯茶好饮，焗左15分钟左右饮落去好香山渣味，微酸，消滞一流！菜胶炖花胶汤，材料十足，个汤好清！完全零味精，好饮呢个真系要必食！黄金海鲜粒炒饭，咸蛋黄味极重，而且仲见到有咸蛋黄粒添，正！虾好爽口，好食！沙窝云吞鸡好抵食，鸡同云吞有好多！鸡唔算滑，但胜在够入味，完全都系无味精！笼仔蒸龙趸腩，蒜蓉味好香！龙趸腩下面有豆卜吸晒d鱼汁味，而且鱼好滑，好食！原来底部仲有粉丝，好味！呢间真系好适合一家大细去食，好有住家菜的味道！