大紅袍火鍋料理 (已結業)

靓汤嘅火锅汤底，一直都系我所追求嘅！今次嚟咗朋友介绍嘅大红袍火锅店品尝佢哋近期最人气嘅美颜养生「金屋藏娇」汤底！🌟用咗冬瓜、虫草花、杞子、红枣、淮山等嘅养生材料，仲有娃娃菜、竹笙同大大件美颜嘅花胶，配以新鲜鸡熬煮多个小时嘅靓汤，真系足料又鲜甜～超！好！饮！咁滋补养颜嘅靓汤，我咗饮咗三碗先开始放啲火锅配料落去，真系好满足😍重点系只鸡肉质依然非常鲜嫩！赞👍🏻呢度嘅食物都好多选择，连刺身都有！为食嘅我梗系要乜都试吓啦！😛🐟活䲞鱼刺身拼三文鱼及北寄贝全部都非常新鲜冇得弹，䲞鱼好鲜甜，肉质非常爽口弹牙！厚切嘅三文鱼都好肥美，北寄贝够厚肉！🥩本地手切肥牛牛味非常浓郁，口感鲜嫩，大概烫10秒钟左右就ok! 🐚花甲肉质肥美又清甜，同汤底超夹🫶🏻✨蛏子好新鲜爽口，鲜味至极！👻鬼马虾胶脆卜卜油炸鬼酿咗弹牙嘅虾胶同埋粒粒飞鱼子，口感层次丰富。🐝蜂巢豆腐打边炉必备火锅配料，索尽汤底嘅精华，超好食😋🥬油麦菜一样都系好新鲜，火锅必食！最后店员仲送咗榴梿雪糕俾我哋食，口感幼滑得嚟爆发榴梿嘅飘香，真系好正😋最后要大赞呢度嘅店员好友善，服务态度好殷勤！同埋个汤底真系令人回味无穷！值得推荐再encore呀😻