韓屋

营业中

休息中

韩国菜唔系净系得韩烧同炸鸡，我自己都好钟意食韩式汤饭，饭粒吸收晒汤汁特别好味，韩屋就系主打冇味精冇防腐剂嘅韩式住家热汤。-餐牌选择唔多，主要分热汤、拌饭同饺子三大类，我地每个类别都叫咗一样试下。-香辣牛肉汤 ($138) + 韩国红米饭 ($15)热汤选择超过十款，饭要另外加钱，系沟咗红米嘅白饭，呢款汤头辣味唔会盖过牛肉味，只有少少辣好开胃，调味得啱啱好，牛胸骨肉煮得好软腍，配埋大量蔬菜，健康又好味。-酱炒牛肉芝士石锅拌饭 ($128)拌饭有分石锅同韩式，我咁钟意食饭焦一定拣石锅，仲要加芝士，份量唔少可以拉丝，配料有红萝卜丝、翠玉瓜、荳芽、波菜同紫菜，加埋辣酱捞匀嚟食口感非常丰富又有层次。-饺子王 ($15) + 泡菜饺子王 ($15)饺子有蒸亦有煎，我地叫咗两款饺子王都好足料饱满，外皮唔算厚，菜肉馅好有白菜香味，而泡菜馅就带少少酸辣味。