悅嚐 (已結業)

呢日多嘢做，迟落楼食晏，好多餐厅都唔使轮位，都系拣番间小店试下，上次试过外卖觉得呢间几好味。大大绿色招牌🟩，此店虽小，但布局简而雅，楼面姐姐礼貌招呼，睇见食品照片开胃，我哋点选嘅菜式好快就送到枱上，见到卖相经用心制作😋；同事食过都赞有质素；👩🏻‍🍳店姐姐都话自家调味，绝无味精！！我哋食落大表赞同🤝🏼。因为我哋经常外出用餐，一食就知，呢间食品坚无味精，实在难得🙏😉在疫市下经营，健康饭堂是客人必选，抵赞！🍚🥢🍜。终于揾到啦，以后当呢度系饭堂，难得在鲗鱼涌有间食店有家的感觉，☺️ 一定经常帮衬。