梅貴緣 (已結業)

上次食完下午茶，今晚嚟食下夜晚，酸梅粥仍是首选推介，我都系钟意食呢个粥再嚟。鲜竹斋卷都是另一个推介，系我觉得好食之一，内里的素菜很多，爽口之余，味道调得好好味。至于其他野食，西芹炒素带子辣辣地好野味，素带子口感很弹牙，有惊喜。仲有个鱼柳饱，未见过斋馆有鱼柳饱，又几好味㖞、青椒炒素羊肉，个羊肉都好入味，口感唔错。甜品有南瓜西米露，对我嚟讲甜咗少少、豆沙锅饼薄薄地又带少少甜、桂花糕清而微甜，唔错、香蕉蛋糕很重蕉味，但我一向对香蕉类麻麻地，我老公就赞仲添食、仲有红豆糕和马豆糕，可惜是今晚无咗我食斋必食之爱的酸斋，问职员原来已无供应几个月啦，有少少失望，除呢样外，其他都满意