麻甩雞

营业中

休息中

寶鄉街附近四月開咗間泰式餐廳，主打海南雞，有多款飯食，亦有淨餸同小食選擇。餐廳logo係隻操到好fit好多肌肉嘅雞😳 經過見到都好搶眼，叫咗外賣返去試吓，用紙盒包裝好企理🌟無骨海南雞 半隻 $90黃油好香，買半隻好好彩有啲雞背位好滑好嫩😍 配上酸蘿蔔，係加餸好選擇🌟手撕雞飯 $48手撕雞當然要配黃油飯，雞肉一絲絲撕到好細，灑上一大炸蔥蒜，撈埋食好香口🌟薯仔牛柳粒飯 $48薯仔同牛柳各佔一半， $48份量都算多，牛柳好林，薯仔炒香過，皮少少脆，入面好粉🌟小食拼盤$65個拼盤有兩隻雞翼、四條雞條、半份雞軟骨，三款小食都用椒鹽調味好惹味，雞翼同雞軟骨仲有香茅，夠晒泰式風味