Sense Cafe (已結業)

公司搬office前夕，想打多几篇佐敦食评，因为佐敦太多好野食，好想介绍下俾人，等多人去试下。呢间餐厅位置唔系咁当眼，晌pizza hut隔离座商业大厦搭lift上一楼。Set lunch包括：蘑菇汤+主菜+饮品🍽蘑菇汤好香充满蘑菇蓉，唔系普通茶记嘅餐汤。🍽蒜香露丝玛莉羊架 $108我至爱，我每次嚟食都系呢个羊架，煎得好香口好味，仲可以点埋薄荷啫喱嚟食减油腻。配埋炸薯条都系非常香脆，份量啱啱好我次次都食得晒。🍽厚切猪肉眼扒配士多啤梨烧汁 $78同事唔食羊架，叫左厚切猪份量都好大块，不过肉质就睇彩数了，因为同事第一块食落系劲juicy，但第二块明显肉质鞋好多，应该部位唔同瘦左d冇咁好食，但士多啤梨汁都几特别，可减肉眼扒嘅油腻感。☕️饮品: 除左正常咖啡奶茶柠茶外，仲有热情果茶好饮，亦可以加钱转特色咖啡。