海洋超級漁港 (深海龍躉專門店)

营业中

休息中

前排同屋企去咗佐敦食饭，餐厅食物质素唔错，佢哋会提供免费嘅前菜花生同埋甜品红豆沙，食到好满足。而且系正地铁站隔离，位置够方便，值得推介。一坐低即刻叫咗脆皮南乳吊烧鸡，餐厅做紧优惠，半只都只系38蚊！鸡皮好脆，而肉质肥美嫩滑，高质又抵食。脆皮烧鹅拼化皮乳猪，呢个组合真系太正，可以一次过食晒我最钟意嘅两款烧味。烧鹅皮烤得够香口，咬落油脂感十足，乳猪皮则非常香脆，肥而不腻。红酒烩牛尾煲，牛尾同萝卜都煮到好入味。而且够哂足料，牛尾多到差啲食唔哂。日式海皇什菜煲，海鲜种类好多，有鱿鱼、虾、蚌，加埋唔同嘅蔬菜同粉丝，味道清清地又好健康。海洋极品海鲜粒炒饭，炒得好出色，粒粒分明。种类又够多，配合埋菜粒，口感好丰富。翠塘香滑豆腐，豆腐好滑，食落去甜甜哋有啲似豆腐花，几啱送饭食。除咗红豆沙，我哋仲叫咗饮茶时候最钟意嘅养颜红枣糕同埋杞子桂花糕。清清地又唔会太甜，仲可以养颜。