Pom's Diner (已易手)

之前经过门口见到依间餐厅好似几特别甘，今次甘岩有野做去开依头，所以搞掂晒d野之后就同朋友一齐会一会依间餐厅😂餐厅嘅装修好有欧陆风情，墙壁上有好多得意嘅painting，而枱面系由多种富有民族图案既瓷砖砌成，好特别好靓！西冷扒上枱已经好吸引，炭火烧得好靓，我地叫左六成熟，食落就岩岩好又唔韧，肉味浓，咬落仲有少少肉汁，令人忍唔住食完一啖又一啖。配菜都做得几好，焗芝士芦笋大蘑菇都几浓郁，而蕃茄沙律菜配酥皮就好fresh。连骨肉眼扒相对地比较淋身，而我地就叫左五成熟。扒冇太多既脂肪，食落啖啖肉，而肉质都好嫩，肉味都浓，配埋个汁味道会更加丰富。龙虾配松露薯条系本人推介首选👍🏻龙虾比想像中大，而且肉好饱满又结实，食落都好有鲜味。店家好细心甘将只虾一分为二，仲有个钳系俾我地方便拆壳，谂到好周到👍🏻👍🏻薯条热辣辣上枱本身已经好正，炸到好香脆但一啲都唔油腻，脆薯条再配上粒粒黑松露，令到个味道更加浓郁！