影片
更多
2017-07-01
295 浏览
佐敦区对我嚟讲都系比较平民嘅地方，而且我经常喺香港揾食真系比较少喺呢头食嘢！除咗庙街之外谂唔到有咩特别嘅嘢要过嚟呢边啰！不过近年好多型格精品酒店都建于佐敦区好似我今日同老婆大人约埋朋友嚟Hotel Stage内的厨意呢度食晏估唔到充满惊喜㖞！呢间餐厅座位好阔落坐得好舒服 ，而家香港已经好少啲咁舒服嘅地方㗎啦！ 废话少讲即刻睇下有咩好嘢食！先上台嘅系面包篮由于我唔钟意食油醋嘅关系所以呢篮面包我觉得最好味嘅一定系面包条啰。 跟住上台嘅系藜麦牛油果沙律配苹果醋汁，平时唔钟意呷醋嘅我都好钟意呢个沙律㖞！因为牛油果又香又滑好鬼正加埋个苹果醋汁唔会好刺激我钟意。 再嚟嘅系烤西班牙八爪鱼， 呢个八爪鱼就不得了原条八爪鱼须嚟烤焗，味道香口又惹味而且质地又淋又滑真系好味到飞起呀。 真系惊喜一浪接一浪呢个巴马火腿火箭菜意大利薄饼又系好鬼好食，最钟意薄脆嘅饼底加埋香而不咸嘅巴马火腿真系好好味道！老婆仲开心因为有佢最喜欢食嘅火箭菜，不过两底pizza差不多畀我食咗一底了。 食完薄饼侍应就
呢间餐厅座位好阔落坐得好舒服 ，而家香港已经好少啲咁舒服嘅地方㗎啦！
废话少讲即刻睇下有咩好嘢食！先上台嘅系面包篮由于我唔钟意食油醋嘅关系所以呢篮面包我觉得最好味嘅一定系面包条啰。
跟住上台嘅系藜麦牛油果沙律配苹果醋汁，平时唔钟意呷醋嘅我都好钟意呢个沙律㖞！因为牛油果又香又滑好鬼正加埋个苹果醋汁唔会好刺激我钟意。
再嚟嘅系烤西班牙八爪鱼， 呢个八爪鱼就不得了原条八爪鱼须嚟烤焗，味道香口又惹味而且质地又淋又滑真系好味到飞起呀。
真系惊喜一浪接一浪呢个巴马火腿火箭菜意大利薄饼又系好鬼好食，最钟意薄脆嘅饼底加埋香而不咸嘅巴马火腿真系好好味道！老婆仲开心因为有佢最喜欢食嘅火箭菜，不过两底pizza差不多畀我食咗一底了。
食完薄饼侍应就送上红虾意大利面，我从来都唔系意粉嘅粉丝不过试咗一啖味道真系做得好好！红虾又弹牙又鲜甜见到老婆大人同其他朋友食到咀舐舐呢。
再嚟呢一份叫做西班牙烟辣椒粉嫩滑猪扒，厚切嘅猪扒配上甜香辣椒味道十分之出色，加上猪扒煎得冇过熟又焦香真系几鬼吸引！
同老婆大人食饭一定要有甜品！拣咗呢个有机豆腐芒果芝士饼配豆腐意大利雪糕，豆腐雪糕好香浓豆味虽然唔系自家制但系攞货𠮶个好抵赞，豆腐芒果芝士饼入口都几棉，不过豆腐雪糕实在太抢镜啦佢真系要做住茄哩啡先。
食饱饱走咗落大堂欣赏吓佢哋啲艺术摆设。
呢啲用中文译法出嚟嘅英文真系好搞笑啰啱晒我呢啲文盲呀。
原来酒店嘅地牢仲有一间Wine Bar 入面除咗可以饮酒仲摆放咗好多关于佐敦区嘅艺术物品书籍 行到攰攰哋落嚟呢度饮杯酒器下都唔错㖞
张贴
