影片
更多
2021-12-23
589 浏览
黎佐敦揾FD，睇到哩間鋪頭食點心好似唔錯，咁試試。今日揀咗晶瑩鮮蝦餃，懷舊鵪鶉蛋燒麥，燒汁釀虎皮椒，紅油抄手，濃湯鮮竹卷，豉椒蒸排骨同濃湯杞子浸時蔬。點心喺即叫即蒸嘅，所以都要等耐少少。蝦餃可以叫2隻或者3隻，我地兩個人，當然叫2隻啦，咁可以試多幾款點心。蝦餃皮好薄，蝦好大一隻，食落好彈牙好鮮甜，同埋冇雪味，唔錯。燒汁釀虎皮椒煎得啱啱好，食落好香口。裡面啲鯪魚肉餡好彈牙，配啲醬汁有少少酸味，好夾。不過辣椒都有少少辣，我食就啱啱好，FD食就覺得辣咗D。紅油抄手好大一份，大大件抄手仲有5件，配上香醋同辣油一起食超好味。宜家出面好少可以食到鵪鶉蛋燒麥，可能哩件嘢整落都幾麻煩。鵪鶉蛋蒸得啱啱好，唔會太熟，食落入口即化，同燒賣都幾夾。豉椒蒸排骨都幾大一份，排骨有差唔多10件，排骨蒸得好幼滑，同埋好重蒜味。底下芋頭嗦哂醬汁，好粉好惹味，完全唔夠喉。濃湯鮮竹卷湯底好鮮甜，鮮枝竹嗦哂湯汁鮮甜味，每一啖都好滿足。菜心整得啱啱好，食落好脆，菜心加咗少少調味已經好夠味，唔需要太重調味cover咗D鮮甜味。最後買單唔哂加一，食到超飽都唔夠150HKD，勁抵LOL!
蝦餃可以叫2隻或者3隻，我地兩個人，當然叫2隻啦，咁可以試多幾款點心。蝦餃皮好薄，蝦好大一隻，食落好彈牙好鮮甜，同埋冇雪味，唔錯。
晶瑩鮮蝦餃
40 浏览
0 赞好
0 留言
燒汁釀虎皮椒煎得啱啱好，食落好香口。裡面啲鯪魚肉餡好彈牙，配啲醬汁有少少酸味，好夾。不過辣椒都有少少辣，我食就啱啱好，FD食就覺得辣咗D。紅油抄手好大一份，大大件抄手仲有5件，配上香醋同辣油一起食超好味。
燒汁釀虎皮椒
68 浏览
0 赞好
0 留言
宜家出面好少可以食到鵪鶉蛋燒麥，可能哩件嘢整落都幾麻煩。鵪鶉蛋蒸得啱啱好，唔會太熟，食落入口即化，同燒賣都幾夾。
懷舊鵪鶉蛋燒麥
22 浏览
0 赞好
0 留言
豉椒蒸排骨都幾大一份，排骨有差唔多10件，排骨蒸得好幼滑，同埋好重蒜味。底下芋頭嗦哂醬汁，好粉好惹味，完全唔夠喉。
豉椒蒸排骨
90 浏览
0 赞好
0 留言
濃湯鮮竹卷湯底好鮮甜，鮮枝竹嗦哂湯汁鮮甜味，每一啖都好滿足。
濃湯鮮竹卷
18 浏览
0 赞好
0 留言
菜心整得啱啱好，食落好脆，菜心加咗少少調味已經好夠味，唔需要太重調味cover咗D鮮甜味。
濃湯杞子浸時蔬
73 浏览
0 赞好
0 留言
最後買單唔哂加一，食到超飽都唔夠150HKD，勁抵LOL!
紅油抄手
30 浏览
0 赞好
0 留言
张贴
