盛記粥麵

营业中

休息中

佐敦盛记粥面系我哋饭堂😍平时成日去食佢系招牌云吞面，生滚粥，样样都足料又好味，今日又去食喇😉🍜招牌云吞面呢度嘅云吞面完全冇碱水味，面条香口弹牙，云吞大粒饱满，汤底清甜，啖啖大地鱼味，的确唔错。🥘萝卜牛筋腩饭牛腩牛筋炆得好腍，萝卜清甜冇渣，个汁浓郁，送饭一流。鸡翼拼炸鲮鱼球即叫即炸，上枱仲好热，鸡翼好juicy ，鲮鱼球大粒又香口，脆卜卜。炸两必点炸两，真系脆口，即使包左香滑肠粉皮，都系好松脆，大赞。蚝油生菜清脆爽口加埋蚝油，唔错。招牌薏米水每次嚟到都会饮，今次饮冻嘅，佢哋嘅薏米水真系超级足料，连姜一齐煲，仲要系少甜，推介。