二八火鍋 (已結業)

今日去咗佐敦一间食任食火锅，喺逸东酒店隔离嘅二八火锅，任食每位都只系$228 ，牛肉、猪肉、鸡肉、丸类、饺子、水产、小食都系任叫，仲有雪花啤酒、汽水任饮。呢度嘅牛肉全部都系采用新鲜本地牛肉，吊龙肉、牛小排、封门柳，连牛骨髓、牛王喉等等比较特别嘅部位都有，我地试左牛小排、封门柳都好嫩滑，质素唔错。丸类都系手工丸，唔系现成比较硬身嘅丸，食得出系用比较新鲜嘅牛打成嘅，特别推介猪肉丸有胡椒味几特别。呢度除咗打边炉，最特别系有好多美味嘅小食，有骨鱼皮、酒香鸭舌、捞汁皮蛋都有，我哋试咗吉列虾饼同埋椒盐豆腐粒，炸得超香脆惹味，虾饼仲要超级弹牙，非常有水准。整体来讲呢间任食火锅嘅性价比好高，超抵食。