太陽軒飯店

营业中

休息中

前阵子到佐敦做身体检查，经过吴松街呢间太阳轩饭店，即时比佢金碧辉煌嘅门面吸引住。停低睇睇，原来系一间潮州卤水专门店，店员向我地介绍，新开张免茶芥加一，即管入去试下先。新开张关系，Menu非常新净，没有污渍，感觉良好。食品都有几多选择，价钱也合理。先黎嘅系潮汕小食--普宁炸豆腐。佢比一般炸豆腐不同，普宁炸豆腐食嘅时候可先蘸上韭菜盐水，你可以食到佢外酥内嫩，而且豆香满溢，有一种相当独特风味。即系我地平日讲嘅煎蚝饼，佢嘅蚝够肥美，加上粉浆调校得好，蛋香加上鲜蚝嘅香气，扑鼻而黎。用黎做蚝饼，算大只架啦。卤水拼盘有鹅片、卤水蛋、红肠、猪耳等等，鹅片相当入味，超赞呀。乌头鱼份量唔算大只，但鲜甜美味，特别系个豆瓣酱，调校得相当惹味，乌头沾豆瓣酱食，简直系完美配搭。最后当然唔少得蚝仔粥啦，同蚝饼嘅蚝一样大大只，又够鲜甜。落埋胡椒粉，成碗即时香喷喷，越食越想继续食呀。