Plato Cafe & Bistro (吳松街)

同客人开会开到好夜，客人话公司附近有间café晚市都几抵食，咁试试。餐厅都算大，装修几有特色，晚市2人都可以安排到4人位，唔错。晚市提供好多种dinner set，今晚试下单人套餐，拣咗美国圣路易斯猪肋排同热奶茶。套餐包埋面包，是日餐汤，主食同饮品。同事拣咗烟三文鱼班尼迪斯蛋早餐同热榛子拿铁咖啡。是日餐汤系粟米汤，饮落好cream，粟米味都几重，唔错。面包烘得热笠笠，食落好松软，OK。热榛子拿铁咖啡唔错，少少榛子味，咖啡已经够甜，唔洗再落糖。烟三文鱼班尼迪斯蛋早餐好丰富，有巴马火腿，法兰克福香肠，炒杂菌，沙律同哈密瓜。班尼迪蛋做得好高质，切落真系流心嘅。最底系用咗窝夫底，系有少少特别。酱汁配埋流心蛋，三文鱼同窝夫一齐食，真系冇得输。同事食完2件尼迪斯蛋已经超饱！哈密瓜劲甜，同巴马火腿一齐食，好chill。美国圣路易斯猪肋排好大一件，仲好厚身TIM。猪肋排烧得啱啱好，皮有少少焦香。BBQ酱汁好惹味，搭配埋猪肋排一齐食一流。套餐搭配埋薯条同沙律，薯条炸得脆啵啵，沙律菜好fresh，全份食晒真系超饱肚！最后饮杯奶茶真系轻松晒，哩间café真系唔错，今次太夜唔想食太多，下次要揾埋FD一齐试下双