Kactus Koffee

营业中

休息中

Kactus Koffee 为于佐敦文英街，系由韩仔咖啡师驻店嘅新啡店。其实都唔算系全新嘅咖啡店，皆因佢只系由深水埗搬咗过佐敦。新店感觉算大，不过座位唔多，中间一张圆枱，侧面4张细银枱，仲有铺出面有啲枱櫈…但夏天真系坚热，所以都唔太建议大家坐出面。我叫咗杯Dolche Triple Latte，依杯喺一杯用练奶冲嘅Latte。咖啡师解释指依杯咖啡用咗三个shot，所以会中和返练奶嘅甜。不过怕太甜嘅，都可以同咖啡师讲，减少啲啲练奶嘅。Kactus Koffee除咗咖啡，亦有数款甜品提供。听请Croffle唔错，不过我就无试喇。原本想试下佢哋嘅Strawberry Tiramisu，但一早就卖哂喇。店员指Tiramisu制作份量比较少，特别系闲日，所以好快就卖哂。假日份量相对地会预返多啲嘅。最终我只系食咗Basque Cheese Cake。我去𠮶日系闲日，大概两点零钟，但都已经要等位喇。去到三点零四点钟，等候入座嘅朋友们就更多。顺带一提，Kactus Koffee暂时没有设定入座用餐时限。所以大家想去品尝嘅，不妨早啲到，又或者选择外卖啦。