52C Medium Rare (已結業)

前排行开佐敦，去咗一间石烧餐厅食晚餐。朋友拣咗下腰西冷套餐，西冷肉质好juicy，而且大大块，食得好过瘾。我试咗佢哋嘅封门柳套餐，排身比西冷厚。牛味好重，咬落去好有口感。佢哋上菜嘅时候会用热辣辣嘅石板，我觉得餐厅好贴心，因为佢哋会提供围裙。仲会放多一只碟，畀食客按照自己嘅喜好烧好再摆开，咁样就可以保持理想嘅质感。套餐配沙律、餐汤、白饭，仲有牛油。饮品我就拣咗佢哋嘅自家制竹蔗茅根水，饮落去好健康解毒，唔会有罪恶感，见到真系有萝卜、马蹄同蔗，好足料！朋友想去水肿，拣咗佢哋嘅自家制柠檬薏米水，都好好饮。除咗自家制饮品，餐厅嘅雪糕都系自家制，味道好特别，有姜味、红枣茶味、龟苓膏味同火麻仁味等等，劲有惊喜！我本身唔系太钟意食姜系甜品，觉得好辣，但系喺侍应哥哥嘅大力推介下拣咗姜味雪糕，辣味啱啱好，香得嚟唔会太突出，好似番薯糖水咁有吊味嘅作用。朋友越级挑战，叫咗龟苓膏雪糕，真系有加应子！食落唔会好药材味，反而有一种回甘嘅感觉，拿捏得好好。