添記法式三文治

营业中

休息中

钟意食越南法包既人一定有听过呢间添记，佢开左几十年，每一个法包都由老板一手一脚做，冇花巧既野，食到最传统正宗既越南风味～店铺只系卖三样野，大法包、小法包、蒜蓉包，另外都可以预先电话落单，黎到就可以即刻攞。 1️⃣小法包（$44） 法包会即时焗几分钟，再将馅料放入去，所以落左单之后都要等一阵。攞上手法包比我想像中大份，本身以为小法包系再细啲，但系佢都几大份，大过我手掌有多😳食完之后都好好够饱。入面馅料有咸猪手、腩肉、酸萝卜、猪肝酱，仲有如果食得辣既话可以叫老板加埋辣椒。本身觉得偏贵，但系攞上手之后就觉得系值既。除左馅料好多之外，佢既法包好脆😍食落系真系咔咔声、会掉屑既脆度。