泰排檔

营业中

休息中

话说呢间位于佐敦谷嘅泰国菜，每晚都会大排长龙，超级火爆！今日我同朋友就一月嚟试吓，究竟佢哋里面有乜嘢干坤！和牛船面呢个系佢哋嘅招牌，佢哋个汤底好浓郁，一上枱就闻到超重九层塔嘅味道！配料上面除咗有炸猪皮之外，仲有好香嘅猪肉丸，面底就系烟靭嘅金边粉！我觉得佢哋个汤底条配得好好，同我喺泰国当地食到嘅味道几乎一样！后来先发现原来佢哋嘅大厨系泰国米芝莲餐厅samsen出身嘅！怪唔之得咁正啦！虎虾醉猫炒河呢个虎虾醉猫炒河都系佢哋嘅招牌菜之一，个炒河真系超有镬气！佢哋个炒河好滑，咬落去系烟烟韧韧，好味道我哋9秒9就食晒！烧猪颈肉烧猪鸡肉都系好高质！个猪颈肉外面烧到有少少脆身，但系里面仍然好软腍！咬落去好有肉汁，而且佢个酱都调配得好好，酸酸辣辣，同个猪颈肉超配！芒果糯米饭泰国菜梗系唔少得饭后嚟过芒果糯米饭做甜品啦！呢个芒果糯米饭芒果系好新鲜同埋好甜嘅，咬落去一啲渣都冇！下边嘅糯米饭好甜，而且系好Sticky嘅，软软糯糯真系超正！佢哋呢度除咗大厨之外，其他服务人员都系泰国人，会好热情咁用泰文去打招呼，而且个装修亦都好有泰国嘅风貌！真系好似返去咗转泰国咁！终于知道点解咁多人慕名而来大排长龙都要嚟食！