狐狸食堂

营业中

休息中

今日同朋友去咗佐敦一间叫「狐狸食堂 」嘅日式居酒屋食串烧，餐厅入面座位唔多，大概有四、五张枱，规模细细几有日本居酒屋嘅感觉，枱面用咗一列清酒樽做装饰，墙身亦都挂咗好多日本文化嘅元素。我哋嗌咗四味特色猪腩卷、四味免治鸡肉棒、烧厚切牛舌、烧味淋鱼干、酱油烧白鳝、牛油烧北海道贝柱、即开烧日本蚝、牛油蒜蓉翠玉瓜同酱油烧茄子。极度推介四味特色猪腩卷，四串猪腩卷包咗四款唔同嘅馅，带出唔同嘅感觉，烧野菜猪腩卷入面嘅野菜丝好爽口多汁；烧苹果肉桂猪腩卷嘅苹果肉桂酸酸甜甜，中和咗烧猪腩嘅腻；烧烟肉蕃茄卷嘅蕃茄仔咬落去爽脆爆汁，同烟肉好夹；酱烧年糕猪腩卷嘅年糕烟烟韧韧，比猪肉包住有种好特别嘅口感。四味免治鸡肉棒有四只味，包括酱烧、芝士、柠檬盐同明太子，配上生鸡蛋同豉油，各有特色。极度推介烧厚切牛舌，切细粒粒咁烧容易控制火候，但细粒得嚟仍然保持住牛舌厚身嘅口感。烧味淋鱼干就烧得比较干身，用嚟送酒一流。个人都几钟意酱油烧白鳝，白鳝肉身唔多骨，咬落去肥美多汁。烧生蚝同烧北海道贝柱都好鲜甜，食得出食材好新鲜。烧翠玉瓜同茄子亦都烧得啱啱好，仍然保留住蔬菜本身嘅水份，酱油同牛油蒜蓉做配料亦都非常香口。经开佐敦而又想食日