Plato Cafe & Bistro (吳松街)

位于佐敦嘅呢间西餐厅晚市都几热闹，餐厅主打提Pasta、Pizza、安格斯肉眼牛扒🥩、羊架、法国春鸡🍗等美食。仲有咖啡☕️及饮品🍸。点咗两个晚市套餐：🍔鲜菠萝牛肉汉堡配薯条及沙律$178晚市套餐有餐汤同包一杯$32饮品，$32以上只补差额，我见到啲奶昔几吸引，点咗杯Oreo奶昔🍹，食落充满浓郁嘅Oreo味同奶味，又唔会太甜😋，面头仲有啲脆脆同cream。餐汤方面，今日系椰菜忌廉白汤🥣。个burger份量真系唔惹少，一啖根本咬唔到，块牛肉好厚实多汁，薯条系即炸嘅，食落新鲜脆卜卜，再加埋落咗醋汁嘅沙律菜，成个套餐好满足。🥩西班牙黑毛猪鞍$248超足料又厚实嘅猪鞍，大大嚿切开啲肉质粉嫩，有口感。配菜有焗薯，焗薯火候控制到啱啱好，面头有啲蛋黄酱。另外见到肉眼扒都好吸引，下次再嚟食😋。