新肥泉海鮮大排檔

营业中

休息中

好耐冇同家姐、姐夫去食大排档，尼间大排档之前已经食过，味道同镬气都好够👍🏻👍🏻，加上大排档推出左「任食小炒放题」，所以今次同佢地再去食。 餐厅位于官涌街市，邻近柯士甸地铁站F出口，交通方便，环境干净企理阔落，仲可以选择手机落单！食食下人愈黎愈多，大排档气氛慢慢增加。   ⦁黄金有机茄子超有咸蛋黄味，茄子多汁嫩滑，入口即溶！  ⦁七味豆腐粒外皮酥脆，豆腐香滑，豆香浓郁。 ⦁麻辣水煮肥牛味道够晒麻，非常惹味，亦唔会太过油腻。肥牛腍得黎又入味，而且配料够晒多，有杂菇，大豆芽菜，酸菜，云耳，西芹等。 ⦁沙爹金菇肥牛煲沙爹味浓郁，粉丝弹牙，金菇爽滑，肥牛大大片，肥瘦适中。 ⦁海盐香煎和牛粒（小）肉质软冧，每粒都充满油花，无筋位，超多汁，海盐味香。