影片
更多
2018-03-22
901 浏览
铜锣湾最近开咗一间上楼日本餐厅，主打佐贺食材，但价格非常亲民，所以，今晚特意同朋友来试试。餐厅位于15楼，装潢雅致且楼底高，共有40个卡位及吧台供客人用餐。由于选择Omakase每人都唔洗$700，一于决交俾厨师发办，唔洗自己烦恼拣选食咩好。个人认为Omakase是品尝日本料理最高境界，因为厨师会将今晚最好嘅食材制作成美食，不单品尝食物味道，更是细味厨师嘅心意。未正式用餐前，侍应先把一壶刚泡好嘅嬉野茶带到我哋面前，即席倒茶并介绍呢杯绝不简单嘅茶。原来嬉野系九州第一大茶叶产地。云雾深山围绕于盆地中，清新空气加上洁净嘅水质培育茶叶最好嘅生长环境，成为嬉野当地最具特色名产。今晚有幸品尝，真心觉得比一般绿茶更好饮，更清香。今晚嘅Omakase一共有九道美食。包括：前菜：烧鱼干前菜：武雄芫茜沙律刺身：生蚝、带子、油甘鱼并拖罗天妇罗：森林芦笋并羽根蒜头串烧：三濑鸡肉烧物：西京烧鱼热食：角煮豚肉主食：三瀬鸡浓汤豆乳制面甜品：白酒配蕃茄其实每道菜都好出色，因为佐贺本来嘅食材就系新鲜。当中，有三款食材更令我一试难忘。第一，系生蚝。因为侍应告知我，呢个品种嘅日本蚝虽然较细只，但因为生长靠近岸边，而且采用密
铜锣湾最近开咗一间上楼日本餐厅，主打佐贺食材，但价格非常亲民，所以，今晚特意同朋友来试试。餐厅位于15楼，装潢雅致且楼底高，共有40个卡位及吧台供客人用餐。
由于选择Omakase每人都唔洗$700，一于决交俾厨师发办，唔洗自己烦恼拣选食咩好。个人认为Omakase是品尝日本料理最高境界，因为厨师会将今晚最好嘅食材制作成美食，不单品尝食物味道，更是细味厨师嘅心意。
未正式用餐前，侍应先把一壶刚泡好嘅嬉野茶带到我哋面前，即席倒茶并介绍呢杯绝不简单嘅茶。原来嬉野系九州第一大茶叶产地。云雾深山围绕于盆地中，清新空气加上洁净嘅水质培育茶叶最好嘅生长环境，成为嬉野当地最具特色名产。今晚有幸品尝，真心觉得比一般绿茶更好饮，更清香。
今晚嘅Omakase一共有九道美食。包括：
前菜：烧鱼干
前菜：武雄芫茜沙律
刺身：生蚝、带子、油甘鱼并拖罗
天妇罗：森林芦笋并羽根蒜头
串烧：三濑鸡肉
烧物：西京烧鱼
热食：角煮豚肉
主食：三瀬鸡浓汤豆乳制面
甜品：白酒配蕃茄
其实每道菜都好出色，因为佐贺本来嘅食材就系新鲜。当中，有三款食材更令我一试难忘。
第一，系生蚝。因为侍应告知我，呢个品种嘅日本蚝虽然较细只，但因为生长靠近岸边，而且采用密集养殖方式，令佢地不断争食，所以蚝身特别肥厚美味，口感爽口。平时我唔会食生蚝，因为怕太creamy嘅口感，而今次系我第一次食，竟然一试就爱上。
第二，羽根蒜头天妇罗。蒜头作为配料，我一向不抗拒，但从来唔会原粒食。不过，羽根蒜头有别于一般蒜头，比较淡味，外型特别，只有一根蒜头，不是原个多粒那款。以天妇罗方式炸，入口即溶化，感觉似食炸洋葱圈，非常香口。
第三，三瀬鸡浓汤豆乳制面。外貌平实，只有葱花及紫菜作配菜，但面及汤底才是主角。面粗幼适中，烟韧有口感，至于鸡汤，呈奶白色，相信一定系经过长时间才煲成，真系好鲜甜，原汁原味。如果想口感多d层次，仲可以配柚子胡椒一齐食，份外清新亦不会油腻。
最后，亦要一赞餐厅嘅侍应，因为佢地好尊业，上每一道菜时，定必亲身介绍食材，令我了解更多，更能好好享受美食。每晚是我近一年来最享受及难忘嘅日本餐！
张贴
