影片
更多
2024-10-05
1127 浏览
《佐贺烧肉谷 - 旺角》近期天气凉凉地，最适合就系打下边炉同食烧烤啦😆但系人大咗真系喜欢坐享其成🤭与其自己搞，不如出去餐厅食🤣今次就去咗旺角雅兰中心𠮶度嘅佐贺烧肉谷食烧肉放题佢有不同嘅套餐可以选择，今次我同朋友拣咗日本佐贺A4和牛放题套餐 (原价$658，早割或宵夜时段$618)，呢个套餐可以任食六款日本佐贺A4和牛外，仲有140款食品可以俾你慢慢选择，出边自助吧有热食、蔬菜、沙律、甜品、自助雪糕机、饮品等都系任食㗎🫣而最近仲推出咗水果夏祭添，Lv3嘅套餐或以上就可以优先试吓水果夏祭既菜式，放题一共有120分钟俾你慢慢烧慢慢食，时间十分充裕😏如果想饮酒嘅话只需人均加$38就可以升级任饮生啤添由于太多嘢食嘅关系，我拣咗啲重点推介嘅食品可以介绍一下大家：💁🏻♀️佐贺A4和牛肩胛基本上食得呢一个放题就当然任食所有嘅日本和牛啦，六款入面我就最钟意呢一个和牛肩胛，油花最充足而且厚度适中，每边烧1分钟大约微微焦脆就可以点少少岩盐食，油花十足而且十分香口🫶🏻 encore咗好多次啊🥰💁🏻♀️佐贺A4和牛小排第二款可以推介嘅系呢款牛小排，其实呢一款比起和牛肩胛更加肥美，但系佢就相对油腻一点，食几块都可
近期天气凉凉地，最适合就系打下边炉同食烧烤啦😆但系人大咗真系喜欢坐享其成🤭与其自己搞，不如出去餐厅食🤣今次就去咗旺角雅兰中心𠮶度嘅佐贺烧肉谷食烧肉放题
佢有不同嘅套餐可以选择，今次我同朋友拣咗日本佐贺A4和牛放题套餐 (原价$658，早割或宵夜时段$618)，呢个套餐可以任食六款日本佐贺A4和牛外，仲有140款食品可以俾你慢慢选择，出边自助吧有热食、蔬菜、沙律、甜品、自助雪糕机、饮品等都系任食㗎🫣
而最近仲推出咗水果夏祭添，Lv3嘅套餐或以上就可以优先试吓水果夏祭既菜式，放题一共有120分钟俾你慢慢烧慢慢食，时间十分充裕😏如果想饮酒嘅话只需人均加$38就可以升级任饮生啤添
由于太多嘢食嘅关系，我拣咗啲重点推介嘅食品可以介绍一下大家：💁🏻♀️佐贺A4和牛肩胛
基本上食得呢一个放题就当然任食所有嘅日本和牛啦，六款入面我就最钟意呢一个和牛肩胛，油花最充足而且厚度适中，每边烧1分钟大约微微焦脆就可以点少少岩盐食，油花十足而且十分香口🫶🏻 encore咗好多次啊🥰💁🏻♀️佐贺A4和牛小排
第二款可以推介嘅系呢款牛小排，其实呢一款比起和牛肩胛更加肥美，但系佢就相对油腻一点，食几块都可以，但系要疯狂食佢就好快会打爆自己😂所以可以考虑点面豉汁再包生菜食👍🏻钟意食油香嘅会钟意呢一款牛肉💁🏻♀️究极佐贺和牛三角嫩肌
肉质比较软嫩，同样系肥美油香嘅代表，但系呢一款入口即溶嘅牛肉同样都唔可以食太多件😂个人觉得如果偏向喜欢油花嘅会喜欢牛三角嫩肌同牛小排多啲，但系我就觉得和牛肩胛相对会重肉味少少，唔会剩系得油香，整体balance好啲，不过钟意食软嫩和牛肉的话一定喜欢呢一个💁🏻♀️杂果酱封门柳壶渍
呢一个杂果酱封门柳系季节限定嘅食品，封门柳用水果酱腌制过后肉质比较嫩滑，烧嘅时候闻到好香嘅果蓉味，食落唔会韧同埋好有肉汁，味道都唔错，可以一试💁🏻♀️各款海鲜食品
我哋嘅套餐入面有好多款海鲜可以选择，例如鲍鱼、青口、原只烧生蚝、牛油生蚝等等都值得一试，重点系其实都几大只，店员见我哋烧海鲜都会主动过嚟帮吓手剪开啲贝壳类，方便我哋烧熟同埋进食，呢一点好加分🫶🏻所以我哋当晚都叫咗不少海鲜，坐住喺度等食嘅感觉真系爽💁🏻♀️任食翠玉瓜、菠萝、鸡髀菇
由于我哋当日食咗好多和牛肉，食到咁上下真系会有啲油腻感，所以烧返啲蔬菜中和一下个感觉系1必须的，我个人推介翠玉瓜同鸡髀菇，两款都系摆喺旁边得闲反下佢，等佢淋咗就食得㗎啦，配返少少蒜蓉汁其实好好味，实不相瞒🫢当晚我食咗好多翠玉瓜🤣另外一样就系烧菠萝啦，微微两边烧一至两分钟，等佢焦糖化就已经食得😏必食💁🏻♀️烧肉谷紫菜饭
🤭点解会特登呢个呢，就系因为佢呢一个饭其实就咁食都已经好好味，佢除咗紫菜之外仲有木鱼花、樱花虾、七彩芝麻等调味料可以俾你调制个紫菜饭，食和牛烧肉我觉得点都要配少少饭嘅🤫隐藏推介，可以再喺自助Menu入面点返个鸡蛋配个饭添🤭呢个饭食两碗都冇问题呀
最后最后，埋单嘅时候记住要同店员拎Movenpick雪糕，当日嘅口味有云呢拿、朱古力、咖啡、士多啤梨等口味，记住唔好唔记得呀，蚀㗎🥴
张贴
