佐楽 (已結業)

难得星期六同妈咪一齐放假，约埋一齐食好西🥰 为左一向钟意食日本菜既妈咪 就上网揾左好有好评既佐乐.基本上主控食物都系来自佐贺，我地先点左原条呼子鱿鱼刺身，2人前$198 头同尾仲可以加钱烧或者天妇罗，但爱好刺身既我地就唔选择再加工啦。口感肉质都十分新鲜，唔会觉得好胶好un。 之后就系刺身同寿司，我地各叫左个刺身七款同寿司五款，鱼类新鲜，厚度适中。串烧我一直爱好免治棒，今次点左个免治三濑鸡肉串，旁边会连埋蛋黄上，食既时间沾落去。鸡肉串酱汁甜甜地，鸡肉味浓厚再加埋鸡蛋夹住一齐食。超级好食！🥳🥳🥳跟住就系佐贺牛，点左一个薯饼同埋牛肉丸火锅。虽然做左薯饼，但食去依然系好重牛肉味，变淡。 牛肉丸火锅.. 肉丸系意想不到既出色！牛肉味鲜甜又浓，加埋配菜，真系好喜欢！！最后系甜品，点左个酒味慕丝同抹茶制法式甜品。抹茶类既甜品只系为满足妈咪，自己本身就唔太好。但呢款造法偏重奶味中间仲会有红豆溶，我自己食落都好钟意。 酒粕慕丝就比较重saka味就又唔会苦，如果本身钟意饮酒就可以一试。