影片
更多
2025-01-05
254 浏览
睇Mil mil介绍，韩国刺身几有趣，就约咗平安夜晚过嚟食。约咗男朋友喺餐厅等，我哋俾人分配到系一张小圆枱，卡位旁边。因为访问同埋OpenRice啲相睇个场冇人，会觉得好舒服，其实坐满人之后都几嘈吵同逼夹。我同男朋友直程因为太嘈放弃倾偈主力食嘢。当晚个场见到大概有五个员工，加一个老板间唔时帮手。我哋叫咗三个人想落单，佢哋最后都系走咗去执枱无再理我地，咁感觉翻桌系佢哋第一任务而唔系照顾食客。最后我哋叫到第四个人先顺利落到单，成个感觉已经好麻麻，好似求佢俾我食咁。我哋叫咗刺身二人套餐+500g烧肉套餐，加嘢饮。前菜小食好快就上咗嚟，仲有一个贝类刺身头盘。咁我哋食紧啲头盘嘅时候烧肉就上咗嚟，但系由于之前嘅嘢食已经占据咗张枱大部份嘅位置冇办法开炉，之后有一个婶婶问我哋要食刺身先定烧肉先？咁我哋就话不如食晒啲刺身先。小菜食到一半左右，佢哋立即就帮我哋收起食完嘅小碟，话要帮我哋开炉，话刺身有排等，烧住嘢食先。我哋都几无奈，但都算啦，佢话有排等都系可能想我哋有得食先，咁我哋开始烧嘢食。但系啱啱烧完第一嚿肉，个刺身拼盘就上咗嚟啦，咁个枱就梗系无位，夹硬放低喺炉隔离，一个只有我男朋友夹到但系我夹唔到嘅地
因为访问同埋OpenRice啲相睇个场冇人，会觉得好舒服，其实坐满人之后都几嘈吵同逼夹。我同男朋友直程因为太嘈放弃倾偈主力食嘢。
当晚个场见到大概有五个员工，加一个老板间唔时帮手。我哋叫咗三个人想落单，佢哋最后都系走咗去执枱无再理我地，咁感觉翻桌系佢哋第一任务而唔系照顾食客。最后我哋叫到第四个人先顺利落到单，成个感觉已经好麻麻，好似求佢俾我食咁。
我哋叫咗刺身二人套餐+500g烧肉套餐，加嘢饮。
前菜小食好快就上咗嚟，仲有一个贝类刺身头盘。咁我哋食紧啲头盘嘅时候烧肉就上咗嚟，但系由于之前嘅嘢食已经占据咗张枱大部份嘅位置冇办法开炉，之后有一个婶婶问我哋要食刺身先定烧肉先？咁我哋就话不如食晒啲刺身先。小菜食到一半左右，佢哋立即就帮我哋收起食完嘅小碟，话要帮我哋开炉，话刺身有排等，烧住嘢食先。
我哋都几无奈，但都算啦，佢话有排等都系可能想我哋有得食先，咁我哋开始烧嘢食。但系啱啱烧完第一嚿肉，个刺身拼盘就上咗嚟啦，咁个枱就梗系无位，夹硬放低喺炉隔离，一个只有我男朋友夹到但系我夹唔到嘅地方。所以全晚我男朋友忙住烧肉，仲要逐件鱼生夹俾我食，又惊佢变热，我都非常无奈，我哋重新执过𠮶啲位，我要转去一个同我男朋友再远d嘅位，先可以将个鱼生放喺我哋中间可以一齐夹到。
期间员工整跌咗我男朋友对筷子，但系因为环境太嘈，佢哋完全唔知自己整跌咗客人铁筷子，而且我男朋友都揾唔到人帮佢换对筷子，最后佢要自己去厨房门口攞对干净筷子。
我哋烧肉期间冇晒gas，揾咗好耐先有人换，好似求佢俾我食咁。成功换咗Gas之后我哋继续开始烧肉，笑笑吓个员工走过来熄咗我哋个炉话要换上面个烤板，当时我哋烧紧嚿肉，迫紧啲油同埋血水出嚟，突然俾人熄火。。。姑勿论𠮶个嘢食会突然间变得好油腻，咁样做非常冇礼貌，咁我哋都快手拎起嚿肉食俾佢换。。。
其实到呢个时候我哋已经结束咗，我哋完全唔想再烧落去，佢换完个炉之后见我哋冇食出晒烟，又再过嚟整，仲叫我哋可以烧㗎啦，快啲食啦，个客听到呢句真系觉得自己好似只狗咁，入嚟讲头赶命俾人哋拎啲嘢食过嚟叫我哋食食快d。好耐冇试过比一间餐厅咁样对待。我哋决定唔食走人，当时枱面上仲有半份烧肉，三分之二分刺身。
因为我哋张枱冇单，我哋出去买单嘅时候都唔知点讲，一位识广东话嘅阿姨帮过我哋换炉，我就顺便捉住佢话我哋要埋单，佢一直问我坐喺边，我指住距离我哋两张枱位置空位，佢完全醒唔起我坐边，亦都唔想行过去搞清楚边张枱，然后走去招呼客人入嚟坐，我地差啲连埋单都唔想理。最后我哋喺埋单个位企咗一阵等佢搞清楚张枱乜嘢Number，我哋先有办法同收银个韩国仔讲到我哋张枱个号码收钱。
埋单盛惠$1900。食品方面，唔知点解佢哋可以叫自己嘅刺身做推荐食品，1200食刺身绝对唔系平，佢都做得相应大份好多俾你，但系啲鱼又韧又有筋，真心觉得系骗局，刺身送嘅小头盘刺身直程系难食，应该系啲冇人要嘅贝类。烧肉正常不过不失，$500有500 g几款唔同嘅肉，四围出去食都系差唔多呢个价钱，不过揾唔到原因点解要嚟呢间食。怀疑呢度所有好评都系打手。
张贴
