千府·居食屋 (已結業)

朋友喺旺角放工，边闲聊边揾食最后行到嚟胜利道。当然大家都知晓呢度食肆林立。不过出名嘅餐厅并唔多，仿佛何文田呢个小区都有种被孤立嘅感觉。始终大部份香港人都习惯活动于旺角范围。不过咁亦好好，因为小区唔算挤迫，反而可以慢慢筛选餐厅。最后行到街尾，发现有间新开嘅居酒屋，赵门微开，被内裹热闹嘅食客聊天声所吸引过来。日系居酒店风嘅店面小小，不过都坐得几舒服。当日好肚饿，所以亦冇多考虑就想点就点，最后满满一台菜式相当大满足！餐前小食系由店员推介嘅开胃菜，有青瓜同萝卜条配特制鳀鱼，酸甜有咸香。然后先来系刺身，整体都好新鲜，五点份量啱晒两个人。然后开始嚟到惊喜环节，叫咗个「香煎牛油果蟹肉饼沙律」，份量惊人，比预期中多，自家制蟹肉饼有好浓蟹嘅清香，牛油果都好多好足料。寿司方面叫嘅系千府火灸盛盒，细细件好啱size，唔会撑太饱。另一个高潮位系两道茶碗蒸 － 鲟鱼籽海胆及松叶蟹膏蟹肉，蛋香都被两款嘅topping盖过，个人觉得系必点！另外餐厅嘅串烧都好高质，最后一赞佢个鳗鱼炒饭，炒得香口惹味！