火鳳凰火鍋料理 (已結業)

收工过嚟谂住去何文田睇猫猫，见到呢间嘢叫火凤凰好型，朋友想食火锅就上咗嚟试试佢，坐低都几阔落，2个人有卡位坐，配料区全部都非常之祝，基本上你谂到嘅嘢都有。汤底叫咗霸王藏娇锅，上菜嘅时候好型呀，真系有只三黄鸡好似霸王咁企咗喺度哈哈，店员建议首先要饮咗个汤先，必试！好清甜！然后佢再帮我哋切开只鸡嚟食，入边仲有一大个南瓜煲林咗之后溶咗落去汤底更加好饮！见到佢有唔同嘅套餐，至尊牛魔王好吸引，有封门柳、安格斯牛肩胛同牛板腱。不过我哋得两个人同埋朋友唔系好食牛，所以叫咗个BB版，叫做平天大圣，上菜用咗只细牛BB造型嘅碟，好特别so cute! 我哋叫咗个蟹籽鲜虾滑，唔好睇佢得一旧仔咁样，但系其实拔下拔下都几多嚿，入口几弹牙，爽口，而且蟹籽嘅份量非常足，每一旧虾滑都有。韭菜饺一碟有八只，同出面上海铺食到嘅差唔多。另外怕打边炉热气，仲叫咗竹蔗茅根，正常一查嘅份量，两个人绝对够，饮落清甜降火。整体嚟讲都唔错，而且店员亲切友善，都几多街坊同回头客上嚟，可以一试。