火鳳凰火鍋料理 (已結業)

火鳳凰是我去過最佳的早茶地方，點心超水準，環境清幽，地方整潔，不同一般酒樓，且價錢比一般聯營的酒樓更加便宜，可能就因為咁才導致走上結業。慨嘆香港又少了一個與朋友結聚的好去處

突如期來的颱風假，搞到要屈左係屋企食兩日野，一有機會出番去就食盡d。在份量上其中一個選擇就係打邊爐。餐廳係旺角旺中帶靜的地方，坐位就專門為打邊爐而設咁，比較闊落。兩個人黎食都想盡量cover多D種類。湯底方面揀左個好有書卷氣的名 —雪山飛狐鍋，送到上黎果時又真係幾有畫面—一舊又一舊的蛋白好似一片片飛雪咁散落係海斑煲成的魚湯上面。一啖魚湯配一舊蛋白咁飲，味道鮮甜得黎又幾得意，係正式開始邊爐之前都飲左三四碗。煲入面的海斑都有一大條，稍為煎過再後加入湯，口感不俗。舖頭主打幾個必食套餐，小弟鐘意食牛就少不免揀左至尊牛魔王。擺盤係一隻金牛造型的盤，大份之餘夠哂霸氣，上面鋪左三款唔同的牛—美國封門柳、安格斯牛肩胛同頂級牛板腱。兩個人食呢度大概有三至四人份量的牛拼盤有d多，但味道就真係一流。最深刻就係牛板腱，因為平時少機會有得食，呢度的牛板腱淥一淥少少爽口，牛味十足。 另外都點左廣島蠔同細鮑魚等配菜，配料新鮮且價格相宜，食完都真係捧住個肚落樓，滿載而歸。

今日跟朋友嚟到一間佢屋企附近嘅火鍋店，門面雖然唔係裝修得好華麗，而且行上一層未必會咁注意到，但估唔到食物相當出色👍🏻我哋叫咗個豪華必選餐，接近$700有一鍋椰子雞，一大盤新鮮象拔蚌，仲有一大碟牛，價錢非常合理👍🏻首先講一講個椰子煲，一上已經好香椰子味，仲會喺你面前開一個新鮮椰青直接倒落去做湯底，所以成個湯都係非常鮮甜，可以當湯飲完先打邊爐🤤🤤另外象拔蚌亦都好新鮮，可以當刺身食，都可以打邊爐，兩個人食都好足夠👍🏻牛肉方面係手切嘅安格斯牛，所以牛味特別重😋😋最後再叫咗一個雜菜籃，原本諗住細細兜，但估唔到都幾大籃，兩個人都食唔晒🤣🤣總括而言，性價比幾高，食物質素唔錯，值得一試👍🏻

今日同fd去左依間「火鳳凰火鍋料理」，環境好好，食物種類亦都超多，每款食物賣相都好吸引，食物好食之餘，打卡都一流😍👍👍👍餐廳既牛肉優質，有不同部位的選擇，牛肉味道濃郁，超正😍👍鮮脆鯇片絕對係我食過最新鮮既脆鯇，鯇片鮮脆，口感一流，魚味亦都好濃郁，份量亦都好多。手打四寶丸：當中包括左墨魚丸、鮮蝦丸、豬肉丸&牛肉丸，全部都用真材實料手工製作，口感彈牙多汁。自家製韭菜餃：自家製的韭菜餃皮薄餡多，味道好好，大大粒，超正😍😍😍扇貝：扇貝好新鮮又大隻，第一次食到咁大隻既扇貝，鮮味重❤️娃娃菜：娃娃菜吸收沙爹湯底湯汁既味道，超入味👍。北海道黑毛豬腩片：黑毛豬腩片肥瘦均勻，口感鮮嫩，肉質鮮美，絕對值得一試。椒鹽豆腐：外皮酥脆，內部軟嫩，份量多，而且超好食😋

朋友話同我去何文田打邊爐唔熟九龍嘅我😂宜家先知原來旺角東站行落去就叫何文田餐廳叫火鳳凰，個名好有氣勢🫶🏻🤣一入到餐廳就聞到好香嘅椰子雞味所以我哋都嗌咗豪華必選套餐鮮椰子滋補雞鍋原條加拿大象拔蚌手切安格斯牛頸脊椰子雞鍋先上枱，半隻雞係未熟一路煲緊嘅時候已經聞到陣陣香味一定要首先飲碗湯! 非常清甜湯底好食，淥咩餸都好食🤤呢個套餐亦都非常抵食再另外自己叫啲蔬菜同水餃兩個人食埋單約1000耐唔耐食次高級版打邊爐🫶🏻

在何文田，或者說旺角東站的附近，這家高質火鍋店在太平道靜靜地佇立著火鍋的價格實惠便宜， 尤其是套餐，而且座位寬闊，坐得相當舒服豪華必選套餐(新) $798.0加拿大象拔蚌(細)在吃主菜之前，先吃一些刺身。雪白的象拔蚌刺身坊間少見，這裏的象拔蚌貝味鮮濃，口感爽脆，絕對不輸居酒屋的質素！鮮椰子滋補雞鍋(套餐)一上主菜就先把椰皇到下去，然後輕嚐一口雞湯，果然鮮甜清澈，然後再試雞肉，果然不肥而且彈牙，湯底不會太油膩，出色！把湯底煮至最後再嚐一口，底味更顯濃郁，亦絕無味精手切安格斯牛頸脊(例)(套餐)這是美國嘅牛頸脊，口感比香港版鬆軟，油花適中，肉味適中，值得一試自家製韭菜餃韭菜餃皮薄餡多，口感亦爽彈，帶少量脆後的根腱，值得一試稻庭烏冬口感適中，只要不煮太久也會有彈牙的口感，口味不俗時令蔬菜西洋菜相當爽口，而且是綠葉植物纖維豐富，最適合在火鍋時補充纖維鮮脆鯇片$58.0脆肉鯇口感爽彈，口味不腥，價格也不貴值得一試火鍋醬料 $18.0*2

公司附近新開了一間「火鳳凰火鍋料理」，早市可以飲茶食點心，晚上則可享用高質食材火鍋古典裝修風雅緻企理，座位寬敞舒服；餐具甚具傳統中國風，非常講究提供單點及火鍋套餐，套餐價錢非常親民==========🔹豪華必選套餐 $798▶鮮椰子滋補雞鍋 (半隻)奉上原個椰青供客人倒入湯底中，夠誠意滾起時飄來陣陣的椰子清香引起食慾；湯底清甜不膩，雞肉嫩滑富肉汁▶加拿大野生A級象拔蚌 (例) (約1磅)象拔蚌新鮮爽甜，蘸上芥末豉油有提鮮作用▶安格斯霜降牛頸脊 (例) (約200g)牛頸脊薄切大片，輕輕淥一淥便可入口；質感軟嫩富彈性，甘香味美▶自家製韭菜餃 (8隻)皮薄餡鮮，韭菜及豬肉比例平衡▶日本稻庭烏冬軟滑Q彈，配合椰子湯底非常滋味▶時令蔬菜西洋菜鮮嫩翠綠▶罐裝飲品兩罐或大支裝燕京啤酒兩支==========🔹鮮脆鯇片 $58份量充足，魚片鮮嫩爽彈

呢間打邊爐係朋友推介嘅，上到去發現店舖幾大，都幾多卡位，老闆非常熱情，為我哋介紹呢度嘅招牌。😲首先，佢哋嘅特色湯底選擇多，我地揀咗滋補椰子雞鍋，餐廳係用新鮮雞，所以食落去特別嫩滑，一啲雪味都冇，而且湯入邊仲落咗好多椰子肉，令到個湯好鮮甜又好滋潤，啱晒女士同小朋友。🍲接著，我哋見到佢有好多唔同款式嘅套餐都好吸引，就揀咗豪華必選套餐，手切安格斯牛頸脊不錯，牛肉好重味，咬落好嫩，果然係安格斯嘅級數，另外套餐仲有加拿大象拔蚌刺身，一碟例牌嘅份量都幾多，咬落去爽口又鮮甜，食得出係非常新鮮。🥩我哋仲點咗蟹籽鮮蝦滑，用新鮮嘅蝦肉打成，好彈牙，而且上耍有好多蟹籽，而最令我深刻嘅係黑松露手打墨魚丸，因為真係好香嘅黑松露味。🐙

今日同朋友去打邊爐慶祝佢生日，咁高興就梗係要食吓好嘢啦，我哋點咗老闆推薦嘅餐廳最受歡迎嘅「豪華必選套餐」，高質又抵食！😆首先，上枱嘅係一大盤嘅象拔蚌，刺身用超多冰鎮住，所以非常新鮮，咬落去chokchok聲好爽。🐟之後，上枱嘅係安格斯牛肩胛，肉質又嫩滑，肥瘦適中，牛味又夠濃，啱晒打邊爐嘅極品牛肉。🥩呢度嘅湯底有沙嗲、蕃茄等，而我哋就點咗較滋潤嘅湯底，就係椰子雞煲，上枱嘅時候竟然係一個椰青咁上，倒新鮮嘅椰青水落個煲度，超有心思，唔怪得飲落去咁清甜，煮耐咗之後仲突顯左雞嘅鮮味，雞肉嫩，椰子肉好多。🥥如果你係丸類控，就一定要點呢個黑松露墨魚丸，口感彈牙十足，而且入邊粒粒墨魚肉，伴隨嘅黑松露香氣，另外，蟹籽鮮蝦滑都非常推薦，蝦滑入口好滑好彈，而蟹籽充滿鮮味。🦐呢間打邊爐餐廳真係驚喜連連，環境舒適，食材新鮮，不單止味道出色，價錢亦相當親民，而且老闆親切熱情，下次一定會帶埋朋友聚會再嚟！👍🍲

天氣開始有啲秋意，女朋友話想放工去打邊爐滋補下。見朋友之前喺IG po過呢間位於何文田嘅「火鳳凰」有得食椰子雞火鍋，就一於去試下！雖然餐廳位於何文田，但其實由旺角行過去非常接近。餐廳鋪面都幾大，裝修頗有特色，而且店員服務殷勤。呢度有唔同嘅火鍋套餐，亦都可以單點。由於我哋係為咗椰子雞而來，所以我地就選擇左呢個「豪華必選餐」（$698），再額外加少少其他野。以下係我地當晚order左嘅食物：椰子雞：店員一攞個煲上黎就已經覺得個湯好香椰子味，佢更加喺我哋面前將個新鮮椰子倒入湯底！啲雞肉好有雞味，而且雞肉唔會鞋，半隻嘅份量啱啱好。加拿大象拔蚌：賣相非常吸引，而且好鮮甜爽口。由於係新鮮刺身級象拔蚌嘅關係，所以可以作為刺身，亦都可以當火鍋料食！安格斯牛頸脊：呢碟牛嘅份量比我想像中大，每人都有好多塊，而且牛味十足，食得出係好新鮮嘅！魚皮餃：每一粒魚皮餃都好飽滿，唔係平貨！蔬菜拼盤：好大盤，而且啲菜好新鮮。總結：呢間火鍋店用料新鮮，店員服務態度很好，值得再來。

火鳳凰火鍋料理📍何文田太平道6號太平居地下1號舖好耐冇打邊爐啦🍲🍲🍲，朋友住旺角推薦呢間火鳳凰😆😆所以今日平日夜晚就叫朋友帶路黎食啦～餐廳環境都幾大，舒適寬敞，店員服務態度好好，笑容又好nice，重好樂意解答客人問題👍經典港式沙嗲鍋 $88沙嗲湯底好香濃，係香港人必食嘅火鍋湯底👍👍小食： 火鍋湯底未黎到，當然要叫住小食食住先啦😍南國糍粑 $48椒鹽豆腐 $48南國糍粑有6條，煙煙韌韌🤩椒鹽豆腐有好多件，外脆內軟，豆腐好滑添😍😍火鍋配料：平天大聖（細牛魔王）🐮 $188叫沙嗲湯底必叫牛肉😆牛肉嘅賣相好靚📸用一隻金牛裝住三款牛肉（美國封門柳、安格斯牛肩胛、頂級牛板腱），牛肉質素好好👍好重牛味🐮鮮扇貝 $38/1隻（2隻起）店員話大約煮3-4分鐘甩殼就可以食，扇貝好好味，大大粒，好新鮮👍鮮脆鯇魚 $58🐟鯇魚片疊得好靚，份量都算多😆手打四寶丸$98心思思想試曬d手打丸，見到有個四寶丸可以試曬全部😍 （牛丸、蝦丸、豬肉丸、墨魚丸），全部都好彈牙，最中意食墨魚丸😍 下次有機會一定要試下手打芝心墨魚丸🤩北海道黑毛豬腩片 $108🐖豬腩片一份有10片，肥瘦相間，豬味濃郁🐖韮菜餃 $48🥟大大粒，一份

🍴霸王藏嬌鍋 188 蚊有南瓜 雞湯 三黃雞🐥三黃雞原隻放上去 用南瓜包住 湯底有紀子藥材香味 雞湯香濃 南瓜夠甜 正🍴安格斯牛板腱118 蚊🐂牛板腱 比較少脂肪牛肉味香濃🍴日本黑豚肉108 蚊🐷肥美既豚肉 顏色分佈平均🍴四川薯粉18 蚊粗身闊身既薯粉 🍴黃金酥炸蠔58 蚊即炸小食 茨粉剛好 蠔肉 juicy 🍴黃金炸魚片 88 蚊🐟魚皮大大碟 炸得好香脆 咸蛋黃好夠香 🍴韭菜餃48 蚊🥟🌿大大隻應該係自家包 好爽口既餃皮 韭菜新鮮蝦肉彈牙🍴鮮甜粟米 28 蚊🌽真係好鮮甜 正 🍴青島32 蚊🍴頂級日本廣島蠔 88 蚊廣島蠔大隻新鮮 好爽彈🍴一口和牛粒 108 蚊🐂牛肉粒 大大粒帶 d筋位 好夠牛肉味夠 juicy

一對鍾意食辣同唔食得辣嘅朋友出嚟食火鍋，最好就係叫鴛鴦鍋，揀咗一個重慶麻辣鍋嘅中辣，同埋黃金皮蛋芫荽湯底，總有一個湯底啱自己食由於我哋兩個都好鍾意食牛肉，揀咗一個好抵食嘅至尊牛魔王，裏面有美國封門柳、安格斯牛肩胛、頂級牛板腱首先賣相已經好驚喜，有一大隻金牛身上鋪滿晒牛肉，打卡一流，而且份量好足夠，三四個人食都可以牛嘅肉質鮮嫩，只要滾幾秒已經食得，牛肉味濃郁，每一款牛肉都質素唔錯，以呢個價錢嚟講好抵食，牛肉亦唔會太肥，油脂分布平均另外叫咗個手打墨魚丸，墨魚丸超級彈牙，好爽口，同一般出面嘅粉團墨魚丸差好遠，食得出新鮮嘅墨魚口感甜粟米味道清甜，亦好新鮮，中和一下食肉嘅油膩感覺打邊爐當然唔少得飲杯啤酒，叫咗支藍妹，夠晒清爽餐廳生意都唔錯，下次再試吓其他湯底同埋配料

朋友話想食火鍋，揀咗一間喺旺角嘅火鍋店，舖頭裝修得好精緻，卡位坐得好舒服叫咗個鴛鴦鍋，係黃金皮蛋芫荽湯同埋麻辣湯底，麻辣嘅花椒味濃，好適合鍾意食辣嘅朋友，而皮蛋芫荽湯好有芫荽味，清清地食得到材料嘅真正味道叫咗兩隻扇貝好新鮮，滾一滾就食得，味道鮮甜而三星蔥爆漿貢丸充滿驚喜，三星蔥味濃郁，呢款貢丸比一般嘅特別而蜂巢豆腐可以吸收晒所有湯底嘅味道，分量又多，好抵食鮮淮山真係新鮮切出嚟，仲有淮山嘅漿液黏着，味道好清甜雞髀菇大大塊，亦都可以吸晒湯底嘅精華，食落好新鮮餐廳仲有好多唔同食材嘅選擇，相信一班朋友嚟都可以食得好開心

餐廳喺何文田寵物街附近，位置都算方便易搵舖頭環境都幾大，座位寬敞，（不過leg space會俾個爐櫃佔據，就坐得耐真係會腳痹）霸王藏嬌鍋 $188個名都改得好特別！其實就係半隻雞，下邊有南瓜，湯底係雞湯～南瓜愈煮愈爛個湯底會愈黎愈甜👍🏻。啲雞都好滑，可以叫店員幫忙剪細啲雞方面進食。平天大聖（細牛）$188賣相好靚，啲牛質素都好高，牛味好香，仲有3款牛！呢到已經夠曬2個人食～三星蔥香爆漿貢丸 $58一盤八粒，要爆漿既效果記得要係佢煮熟冇耐就即刻食，有粒唔小心煮太耐浪費左！🤣鮮脆鯇片 $58疊得好靚，味道正常雪梨水，味道較甜小食類叫左椒鹽豆腐、高原香酥肉，味道ok