何洪記

营业中

休息中

打8号风球之下京林屋收左工，于是黎左对面既何洪记食晚饭。除左招牌云吞面之外，餐牌都有其他汤面，捞面，粥，肠粉，炒粉面，点心，糖水，小菜同厨师推介。选择好多。原汁柱侯炆牛腩 $148 另加一叫左个大原汁柱侯炆牛腩，要求多d牛筋，好彩，因为牛腩好麻麻。牛筋炆得都好淋，味道好入味，不过味道偏咸，牛味就欠奉。牛腩肉质麻麻地，得个咸字。下底有5条菜心，上面洒上葱花。总括，材料似乎系雪藏货色，唔够好。呢个价钱唔值。怀旧鲜虾饺 $52 另加一怀旧鲜虾饺一笼4只，热辣辣蒸起，皮厚度适中而虾肉爽脆，质素算高过普通酒楼，可以点枱上既辣椒酱食。质素同寻日镛记既虾饺差唔多，不过价钱平差唔多一半。正斗鲜虾净云吞 $61 另加一正斗鲜虾净云吞一客9只，云吞好细只，好过上次，无上次实，虾肉都爽脆，可以点枱上既红醋食用。个汤系好饮，坚有虾壳味，仲有韭黄香，亦见到粒粒虾籽。香脆油条肠粉 炸两 $53 另加一香脆油条肠粉一客12件，另上豉油同太极花生酱同甜酱俾你沾。肠粉皮够薄，油条都算脆口，不过有啲实，唔够酥。生磨芝麻糊 $55 另加一叫左个糖水，生磨芝麻糊 份量正常，味道可以啦，唔会太甜，不过唔会特别好食，真系生磨？？