風彩餐廳

营业中

休息中

作为街坊, 三年来第二次帮衬。 第一次, 是他们开张的那一段时间, 之后一直都唔敢再帮衬啦。其中一个原因, 佢哋嘅价钱偏贵。但随著附近嘅店舖价钱都上升咗后, 感觉上佢哋又唔系太贵喇。所以一心打算畀个机会大家。真系唔好彩, 今日嚟到楼面嘅姐姐同水吧嘅阿哥嘈紧交, 所以气氛麻麻地。点餐嘅时候举手、 嗌咗好耐都冇人应; 叫攞多只碗仔, 又攞嚟攞去都攞唔到。有一样嘢系值得一赞嘅系: 佢哋嘅份量好多、好大。<罗宋汤> ok几好味嘅, 唔会太辣, 有好多新鲜嘅蔬菜料。我哋叫咗个午餐嘅 <洋葱汁猪扒饭>, 有两块都几厚肉嘅猪扒, 份量十足, 可惜都几劲腌肉粉嘅味道。<豉椒鸡球饭> 比较淡口, 但啱我胃口, 我最有味精及太过咸。<热朱古力> OK<热奶茶> 过得去。