幸福堂 (已結業)

一间接一间饮料店开幕，周日过海食午饭，饭前就黎巡巡铺，原本我都唔系效率咁高嘅人，谂住幸福堂、珍煮丹是但试一间啦，点知后者未开门。咁就唯有排下幸福堂啦，开门前黎到，前面都有廿人；唔好以为老虎堂冇人等，条龙差唔多长。门面唔大，排成一条队，拎饮品嘅会集中喺店面；过程唔算流畅，并非不停接单，而系买下又停下，等佢炒珠，部份人买十杯八杯又要入袋包装，变相效率唔高，最终等左45分钟。标榜手炒黑糖，有店员会喺店面炒珍珠。名字叫幸福堂，店前有个签筒可以抽签仔、百子柜附签文注解，好在抽到【上上】啊大佬。餐牌供应十多款饮品，例如鲜奶、奶茶、红、绿茶、泰茶、抹茶等，定价$22-38。原本听人讲话第一日只有黑糖鲜奶一款，仲以为我第二日去，会比较齐全，点知都系得黑糖奶同柠檬类唔想排咁耐饮杯吸引力唔高嘅柠檬，所以最后买左两杯黑糖奶。焰遇幸福黑糖珍珠鲜奶 $30卖相唔错，黑糖倒满杯边，纹路持久。珍珠份量1/4，到手微温。鲜奶并非封口，喺面头加一层所谓厚奶再炙烧，炙烧效果做样而已，对味道影响不大。唔搞匀直接饮，黑糖都唔够香甜浓郁，味道主要来自珍珠本身跟餐牌指示搅拌18下之后，只有奶味。用明治奶，毫无疑问，奶味很重。珍珠