海安咖啡室 (已結業)

呢间海安䇄立咗喺上环海边几十年，䇄立到依家连海边都望唔到 lu，都仲咁思进取，仲有为餐厅加入新元素，抵赞。香葱碎牛炒蛋厚多士，我系因为见到个炒蛋有咁多葱而嚟呢间食嘅，个炒蛋的确做得唔错，唯独是系多士太厚令到面包同炒蛋嘅比例唔系咁协调，搅到要𩠌块咁厚嘅包唔系好够味，如果多番啲碎牛又或者块面包薄番啲相信会更好。叉烧姜葱香油捞面，讲到葱油捞面不期然会攞佢嚟同兰芳园比较，呢度唔够兰芳园咁香，葱油亦都唔够多，两件名物都只不过过系平平稳稳，我谂应该无下次喇。不过不得不提姐姐服务劲好，茶餐厅咁嘅地方，酒店咁嘅级数。