萬發海鮮菜館

营业中

休息中

之前庆祝爸爸生日带咗佢去食万发。虽然系大排档咁嘅格局，但系d小炒都真系几高质所以长期keep到一定嘅人气。我相信万发唔只做街坊生意，好多人甚至好多游客都会慕名而黎。因为都唔系第一次嚟，所以都知道边啲小炒系必叫。我哋一行3人最后order左薯仔牛柳粒，小炒王同风沙鸡。薯仔牛柳粒系呢间铺头必叫既热门菜式。你几乎见到每枱都一定有一碟。薯仔牛柳粒志不在牛柳粒，而系好重蜜糖味嘅薯仔，简直系好食到你不知不觉就会食晒成碟薯仔。当然牛柳粒都炒得香兼松化。小炒王亦好够获气，兼好足料，有我最爱嘅萝卜粒，韮菜，鱿鱼，青椒，虾干，花生同腰果，又系一碟令你食唔停既小炒。至于风沙鸡，虽然肉质都唔「鞋」，但系就无小炒王同薯仔牛柳粒咁有惊喜。虽然小炒d价钱都唔系话特别平，但系所有野都大大碟，啱晒一大班人gathering去。