真鮨 (已結業)

日本料理成日都食，但拣黎拣去实在太多选择啦。今日同朋友去完U记买新衫好想食刺身，但打开APPS发现好多都好吸引。行完一大轮之后近近地拣咗呢度，因为店名就系招呼紧我地入去：你好！你好！刺身三点：金目鲷／池鱼王／活帆立贝。日本直送鲜度果然有返咁上下，池鱼入口充满油香。不沾酱油其鲜味零舍突出。帆立贝好大粒，配上柠檬片，酸爽味道令鲜甜味更明显。金目鲷嘅扎实口感，一如既往咁好食，不枉其吉祥鱼嘅称号。北寄贝寿司。甘甜贝肉再加上醋饭，简单而味美。当中些许嘅山葵提鲜降腥，配合得恰到好处。A4和牛寿司。和牛肉本身油脂好丰富，油香入口即溶加上少许脆炸蒜片碎令口感增加不少。松叶蟹脚寿司。好少地方会有得食鲜松叶蟹，肉质腍滑入口甘甜，配上微酸嘅醋饭去提味，值得一食。盐烧南非鲍鱼。烧完后将鲍鱼嘅味道浓缩不少，少少焦脆嘅表面增加咗贝壳类嘅风味。烟韧口感令人回味。盐烧花鱼。原条盐烧大大条花鱼，肉质松化但鱼味唔重，外皮烧完后好烟韧，要夹开都要花费一番功夫。但味道混和盐后好香口亦可尝到淡淡鱼油香味。焗酿松叶蟹盖。觉得系最有惊喜嘅一道料理，系烧蟹肉下面嘅系珍珠米。食嘅时候将全部捞匀先系佢出色嘅开始，入口先感到酱料嘅咸香再来