研香

营业中

休息中

如果你希望系呢度食到即整糖水，咁你嚟错地方。可以去附近其他甜品铺，相信都会有个更加好嘅用餐体验。店员一带位就已经带咗我地两位嚟到一个好奇怪嘅位。当你以为两个人坐多数都系坐对面或坐隔离，咁你真系太年轻啦！系可以九十度咁坐架！仲要有一位坐系间铺必经嘅走廊位，个走廊唔够一米，仲要装一个成年人，再加各位食客同侍应来来回回。短短二十分钟，就可以俾人撞咗十次。侍应撞到你亦唔会有任何反应，唔讲以为我做错啲咩。我同友人叫咗一碗芝麻糊沟杏仁糊同椰皇炖桃胶，芝麻湖好快就嚟到，因为碗嘢同水差唔多质地，但水中又带点粒状物，用四十碗嘅价钱做出百佳即溶嘅味道都唔简单。