影片
更多
2011-11-27
385 浏览
早几星期前师傅收到个来电, 原来系开饭网嘅联络人之一, 非常靓女嘅Natalie,起初师傅还以为靓女Natalie想约师傅去街街, 点知唔系, 反而系想约师傅食饭, 真系令师傅受宠若惊, 不过原来唔系两个人, 而系一班人! 靓女Natalie诚邀师傅出席一个饭局, 名为“暗中开饭夜宴”, 对话中靓女Natalie讲得个饭局好吸引, , 所以师傅唔理得当日会有几忙, 亦都答应出席! 而师傅亦喺呢度再次多谢 贵网嘅邀请!当日师傅喺监房真系忙到咩咁, 好唔容易先走到, 由于到目的地都要一段时间, 加上讲明逾时不候, 更令师傅七上八落, 都唔知去唔去好, 唯一再次致电靓女Natalie报告情况, 而靓女Natalie叫师傅尽赶, 既然系咁师傅唯有尽力, 更希望地铁司机可以帮忙飞一两个站啦! 终于师傅亦能赶上饭局, 亦系当晚最后一个出现的食家!入到场馆已经知道主办单位开始介绍, 不过师傅完全听唔入耳, 鬼咩, 跑到只狗咁, 条气有排都未回, 好唔容易先至听到介绍话相机, 电话, 眼镜或所有反光嘅个人物品入都不准带入餐厅里, 而进入餐厅前每人会先获得一支手杖(盲公竹), 亦明确表明是次饭局系漆黑一
当日师傅喺监房真系忙到咩咁, 好唔容易先走到, 由于到目的地都要一段时间, 加上讲明逾时不候, 更令师傅七上八落, 都唔知去唔去好, 唯一再次致电靓女Natalie报告情况, 而靓女Natalie叫师傅尽赶, 既然系咁师傅唯有尽力, 更希望地铁司机可以帮忙飞一两个站啦! 终于师傅亦能赶上饭局, 亦系当晚最后一个出现的食家!
入到场馆已经知道主办单位开始介绍, 不过师傅完全听唔入耳, 鬼咩, 跑到只狗咁, 条气有排都未回, 好唔容易先至听到介绍话相机, 电话, 眼镜或所有反光嘅个人物品入都不准带入餐厅里, 而进入餐厅前每人会先获得一支手杖(盲公竹), 亦明确表明是次饭局系漆黑一片, 从而感受不过看的时候!
是次饭局有廿四人, 有从前认识嘅食家, 亦有新相识的食家, 廿四人系分四张枱, 每六人一张, 而师傅就被安排于“思”枱, 同枱食家有sosoku, 架架面, pandamen, 揾食能手同埋菲比熊! 当要进入餐厅时, 就被安排每三个人一组, 当时心情既兴奋又紧张, 师傅虽然不至于见识广博, 但亦不是孤陋寡闻, 但摸黑进食同要睇验盲人, 真的还是首次!
一行入餐厅, 真的漆黑一片, 真系有眼都睇唔见, 而呢一刻手杖亦发挥其功效, 加上亦有导航员带领, 系凭著声音而带领, 并唔捉住你只手而行, 好唔容易先至行到去“思”枱! 坐底后, 系绝对冇人点爉烛, 于是师傅就用手去摸下枱面上有咩东西, 有刀有叉有水杯, 好明显系食西餐! 当六位食家坐底后, 导航员正式自我介绍, 而为本枱服务的正是perry!
由于不能拍照, 所以是次冇相片提供, 加上为了继续保持神秘感, 所以是晚有咩食亦不再谈论, 简单讲下就系有头盘, 主菜, 甜品和餐饮! 漆黑一片底下, 师傅到底应该点食呢? 只碟有几大? 件食物放左喺碟边度呢? 攞起刀叉, 竟然揾唔到件食物, 为左尊重大会和坚持师傅嘅宗旨唔浪费, 所以师傅决定用手食, 虽然感觉好似唔太礼貌, 但漆黑里根本睇唔到啲咩, 更惶论食相, 如是者就三道菜都系用手食! 味道都算几好, 不过份量就略少, 席间都听到有几位食家话唔够皮!
值得一提系导航员perry, 真唔明点解咁漆黑里佢仍然能够为我们服务得井井有条, 有食家当时问系咪带左夜视镜, 但师傅觉得唔系, 反而觉得佢可能平时已经睇熟左环境, 就好似喺自己屋企一样, 而呢个迷底喺饭后终于揭盅; 原来为我们服务的系全失明或尚余少部份视力的人仕, 当迷底揭盅后, 在场食家无一不给予热烈嘅掌声, 以示谢意和敬意! 而师傅亦想起一首歌 – 你是我的眼! 虽然师傅能看,但漆黑里perry成为师傅的眼了!
是次绝对系一次非常好的体验和经历, 于漆黑里, 师傅不停明自己如果真的盲了, 咁师傅会如何面对呢? 生活又会变成点呢? 师傅当然唔知道亦不敢再谂, 但感谢天父喺呢一刻仍然给予师傅有视力和健康和完整的身体, 为此献上感恩! 最后想用以下嘅金句作为总结: "耶稣过去的时候、看见一个人生来是瞎眼的。 门徒问耶稣说、拉比、这人生来是瞎眼的、是谁犯了罪、是这人呢、是他父母呢。 耶稣回答说、也不是这人犯了罪、也不是他父母犯了罪、是要在他身上显出 神的作为来。 趁著白日、我们必须作那差我来者的工。黑夜将到、就没有人能作工了。 我在世上的时候、是世上的光。耶稣说了这话、就吐唾沬在地上、用唾沬和泥抹在瞎子的眼睛上、 对他说、你往西罗亚池子里去洗、（西罗亚繙出来、就是奉差遣）他去一洗、回头就看见了。"(约9:1-7)
张贴