Sweetology (已結業)

好耐无再写食评，但今次真系吾写吾得。同老公系葵芳食完饭后，想食个甜品才回家，这间店前身系甜牙牙，讲真，以往对甜牙牙都无兴趣，见佢转左，咪试下。。。点知。。。唉。。。仲衰左以前。叫左个「经典窝夫系列之草莓族配雪糕」，当时店内吾算系多客人，而我哋系9:18落单，点知。。。等等等等等，等了30分钟还未有。。已去问有关待应，佢走入厨房看看，出嚟只讲一句，整紧。好，又等等等等等，等多了10分钟，终于到，我以为因为个窝夫系即叫即整，所以先咁耐，点知，个窝夫系冻，完全吾觉得即整，只系一个已整好嘅窝夫，加个雪糕球，配上少少草莓，点解要等成40分钟先上枱。。。真系好离谱。。。讲番个「经典窝夫系列之草莓族配雪糕」，老实讲，真系好一般，一个好普通嘅窝夫加雪糕，你话值吾值系度等咁耐而去食个一般甜品，真系一啲都吾值啰，绝对吾会有下次。至于服务，基本无服务可言，几个待应只顾自己围埋系度倾计，挥手挥到手破都吾应你。。。真系嬲到想即走。。。所以再三讲多次，绝对吾会再有下次。。。