影片
更多
2021-06-09
209 浏览
呢晚同朋友简单食个生日饭🎂，佢住湾仔，唔想去咁远，就近近哋喺利东街揾嘢食。我哋拣咗「Crêpe Delicious (Urban Cafe)」，皆因可以喺度食埋甜品。餐厅原来有两层，下层系入口，座位连厨房，上层就只得座位。我哋坐上层卡位，餐枱宽敞，坐得舒服。再者，环境装修亦几靓，灯光明亮✨。呢度虽然系可丽饼专门店🇫🇷，不过所提供嘅食物种类远比想像中多，包括咸/甜可丽饼、小食、沙律、意粉、意大利饭、酥皮薄饼、汉堡包、鱼同肉扒等，其实即系普通西餐厅有嘅佢都有🤣。食物定价合理，平均百头就有一份主菜，不过如果可以以优惠价加配饮品或甜品就更好。餐厅现时做紧鸭胸系列嘅期间限定推广🦆，听落好似几正㖞😎！而且我又好钟意食鸭胸，贪佢啖啖肉得来又够咸香。烟熏鸭胸咸可丽饼Smoky Duck Savoury Crepe ($118)，佢系我食过最好食嘅咸味法式薄饼🤤，完胜另外几间对手。首先，可丽饼好大件，咁样先放得落啲馅料㗎嘛。第二，食物热辣辣送上，饼皮能够保持软熟🔥。最后，馅料非常丰富，有大件烟鸭胸片、牛油生菜、蕃茄🍅、紫洋葱、意大利青瓜🥒、干蕃茄、莫札芝士、忌廉芝士以及干蕃茄蛋黄酱等。全部料我都啱食，成
呢晚同朋友简单食个生日饭🎂，佢住湾仔，唔想去咁远，就近近哋喺利东街揾嘢食。我哋拣咗「Crêpe Delicious (Urban Cafe)」，皆因可以喺度食埋甜品。
餐厅原来有两层，下层系入口，座位连厨房，上层就只得座位。我哋坐上层卡位，餐枱宽敞，坐得舒服。再者，环境装修亦几靓，灯光明亮✨。
呢度虽然系可丽饼专门店🇫🇷，不过所提供嘅食物种类远比想像中多，包括咸/甜可丽饼、小食、沙律、意粉、意大利饭、酥皮薄饼、汉堡包、鱼同肉扒等，其实即系普通西餐厅有嘅佢都有🤣。食物定价合理，平均百头就有一份主菜，不过如果可以以优惠价加配饮品或甜品就更好。
餐厅现时做紧鸭胸系列嘅期间限定推广🦆，听落好似几正㖞😎！而且我又好钟意食鸭胸，贪佢啖啖肉得来又够咸香。
烟熏鸭胸咸可丽饼
$118
16 浏览
0 赞好
0 留言
最后，馅料非常丰富，有大件烟鸭胸片、牛油生菜、蕃茄🍅、紫洋葱、意大利青瓜🥒、干蕃茄、莫札芝士、忌廉芝士以及干蕃茄蛋黄酱等。全部料我都啱食，成个组合好夹，口感亦满有层次。芝士同蛋黄酱就系惹味嘅关键。
京式烤鸭薄饼
$108
2 浏览
0 赞好
0 留言
薄饼唔系平日连锁店食到𠮶啲🍕，因为佢系酥皮薄饼嚟。就咁睇会觉得份量唔系好多，长方形分成四片而已，不过酥皮非常松化，仲好重牛油味🧈，超香，食落易饱肚。薄饼同样配上芝士，但有少许分别，因为采用车打芝士能令咸味更强。
甜品方面，本身想试佢个拿破仑，但食完主菜已经饱咗九成，所以我哋要咗较轻量嘅甜品：意式奶冻Panna Cotta ($48)以及雪糕球。🍮奶冻质感幼滑偏结实，奶味好出，是日口味系配上士多啤梨🍓，整体都OK。
意式雪糕Gelato，$38一球Scoop，多一球就比多$10。雪糕/雪葩有多款口味任君选择🍨，店员叫我哋慢慢试完味先拣。我要咗一球绿茶Green Tea，佢并唔系日式回甘𠮶只🍵，味道较清淡，但胜在低脂低卡路里，唔会太甜。
饮品方面，我哋分别要咗热情果梳打Passion Fruit Soda ($38)同埋热朱古力咖啡Mocha ($35)。梳打唔似加咗热情果，剩系得柠檬咁🍋，但饮落发现系有嘅，亦难得唔会太酸。朋友就话佢𠮶杯都唔错，甜甜哋易入口，又够香☕️。
题外话，短发女店员嘅表现值得嘉许！服务无得弹，态度诚恳有礼，主动介绍菜式，仲好熟悉餐牌内容👍。佢比起其他所谓高级餐厅嘅职员更专业，绝对系餐厅宝贵嘅人材。同时，餐厅卫生意识高，准备收舖时，店员会逐个餐牌抹干净。
总括嚟讲，呢餐令我哋喜出望外，开初帮衬纯粹因为佢个地理位置🙈。其实我知道佢系过江龙店，但有时呢类餐厅名过于实，幸好餐厅嘅食物质素令人满意，好好味😋。我一定会再次帮衬哦，推介🌟！最后，我上载埋餐厅嘅完整餐牌以供参考🙏🏻。
张贴
