影片
更多
2018-12-04
6478 浏览
今年男朋友仔生日，因为上年食咗日本菜，所以好快决定咗食西餐！有好多人钟意生日食buffet，但我就钟意fine dining，因为浪漫d嘛~咁食西餐都要有个主题先得嘅～我好努力咁收窄咗范围，就系生蚝同龙虾两个之中拣一个，我好努力唔想比佢知嘅情况下试探佢口风，最后决定就食以龙虾为主题嘅生日烛光晚餐！上网search过，原来港岛香格里拉正正就有间以龙虾做主题嘅fine dining，人一世物一世，点都要去试下！餐厅个logo都有只好Cute 嘅龙虾，好鬼搅笑！我哋book咗6点钟，当时得我哋一枱客同两、三个人喺吧枱。好开心可以静静地咁坐下倾下偈，慢慢影下相，再慢慢睇下menu。(前年去TST某酒店食西餐，点知......比隔离枱10几人嘈到即刻想走！唔好得罪女人，我好记仇㗎！)而且餐厅有一排落地玻璃窗，呢个时间啱啱天未黑，有充足嘅光线射入餐厅，同入夜后外面灯光较暗相比，两种唔同嘅感觉！环境舒服，令人不知不觉就坐咗几个钟都唔会觉得耐。7点几影嘅，之后挂住影食物同有其他客人，冇再影餐厅lu!由于我订枱时有特别要求坐「背脊有鱼缸嘅圆枱」，佢全间餐厅一共有3张，我哋坐正中间果张，一路食嘢一路有海底
咁食西餐都要有个主题先得嘅～我好努力咁收窄咗范围，就系生蚝同龙虾两个之中拣一个，我好努力唔想比佢知嘅情况下试探佢口风，最后决定就食以龙虾为主题嘅生日烛光晚餐！
上网search过，原来港岛香格里拉正正就有间以龙虾做主题嘅fine dining，人一世物一世，点都要去试下！
餐厅个logo都有只好Cute 嘅龙虾，好鬼搅笑！
我哋book咗6点钟，当时得我哋一枱客同两、三个人喺吧枱。好开心可以静静地咁坐下倾下偈，慢慢影下相，再慢慢睇下menu。(前年去TST某酒店食西餐，点知......比隔离枱10几人嘈到即刻想走！唔好得罪女人，我好记仇㗎！)而且餐厅有一排落地玻璃窗，呢个时间啱啱天未黑，有充足嘅光线射入餐厅，同入夜后外面灯光较暗相比，两种唔同嘅感觉！环境舒服，令人不知不觉就坐咗几个钟都唔会觉得耐。
7点几影嘅，之后挂住影食物同有其他客人，冇再影餐厅lu!
由于我订枱时有特别要求坐「背脊有鱼缸嘅圆枱」，佢全间餐厅一共有3张，我哋坐正中间果张，一路食嘢一路有海底奇兵睇，哈哈！
其实决定嚟之后，我已经上网睇过menu，最后我哋叫咗2个Signature set menu。另外叫咗时令menu 入面一个以白芦笋为主嘅Appetiser！话明时令，所以成日唔同㗎，餐厅会不时update 个新menu上网站，去之前可以参考返！
呢类餐厅枝水都系收费，大约$100左右，通常有sparkling water 同distilled water。
125 浏览
0 赞好
0 留言
好快就已经有面包食，有3、4款，味道都唔错！
86 浏览
0 赞好
0 留言
最特别系呢个铺满芝士嘅脆片，好邪恶㗎！
63 浏览
0 赞好
0 留言
Sharngro-La Juice / Island Supreme
因为我哋唔饮酒，而呢喥cocktail 亦唔多选择，我哋拣晒两杯以生果为主嘅。
红色系西瓜同basil，味道一般，唔太特别。黄色系菠萝、芒果、柠檬同热情果，味道较酸，不过我钟意！
33 浏览
0 赞好
0 留言
蓝蟹肉饼配香草蛋黄酱
选用含高维生素B12嘅蓝蟹肉，加上罗勒同面包糠酥炸做成蟹肉饼 。炸到外表香脆嘅蟹肉饼看似好邪恶, 但实质没有想像中咁热气。 外脆内软嘅口感，加埋用青柠带出蟹肉嘅鲜香，系泰国菜嘅味道呀！虽然外表较深色好似炸过左火，但佢系我暂时食过最好味既蟹饼！
46 浏览
0 赞好
0 留言
53 浏览
0 赞好
0 留言
香煎鸭肝配白露笋
露笋Asparagus，一个来自希腊语嘅名，解作嫩芽，原产喺南欧地中海中部，品种共有20多种，最常见嘅系青露笋，而White Asparagus白露笋则系最矜贵嘅，有「皇子蔬菜」之称。
每年四月至六月系芦笋当造嘅季节，咁点解白芦笋比绿芦笋珍贵呢？主要系白露笋需要特别照顾！因为喺种植期间要防止茎身接触到阳光而产生叶绿素变成绿色，同时为咗保持洁白嘅颜色亦要喺芦荀接触阳光前采摘，先可以种到白芦笋。所以白露笋嘅产量、价格等，自然比一般青露笋矜贵得多。加上芦笋生长过程繁复，必须经过大约三年嘅悉心种植才长出幼芽，而且佢绝对系健康食品，含有丰富维他命C、钙及鏻，营养价值甚高，更具利尿功效。
有煮过露笋嘅朋友都知不论系青露笋定白露笋，外层都一样有一层粗硬嘅纤维包住，唔识处理嘅话煮完之后会系苦涩有渣。我自己都有一次煮白露笋嘅经验，同处理青露笋一样，用刨从头以下约2吋地方起开始向尾部刨，但一定要刨得够狠，大约将露笋表面3层都刨去，刨好嘅露笋手感会较幼滑。
白芦笋味道甘香清甜，口感幼嫩细致，配上干煎嘅鸭肝，油脂香浓，口感绵密 ，加少少红苺果酱一齐食，清香又解腻。两样嘢放埋一齐出奇地夹！
55 浏览
0 赞好
0 留言
43 浏览
0 赞好
0 留言
橙红色嘅龙虾汤， 味道浓郁入口软滑，加入白兰地，除咗去除龙虾嘅腥味，仲带出咗龙虾嘅鲜味，仲有两粒弹牙嘅龙虾肉㖭！
48 浏览
0 赞好
0 留言
3选1，有鱼虾带子、牛+龙虾、原只龙虾(要另外加150蚊，但我觉得物超所值！)
原只波士顿龙虾
煮法由你自己拣，有烧烤、水煮、特浓芝士同传统烧焗。
40 浏览
2 赞好
0 留言
36 浏览
2 赞好
0 留言
39 浏览
0 赞好
0 留言
38 浏览
0 赞好
0 留言
31 浏览
0 赞好
0 留言
烤波士顿龙虾配美国黑安格斯牛柳
龙虾虽然烧烤过，但肉质唔会干晒，仍然保持到果种爽弹！简单做法可以食到龙虾原有嘅鲜甜~！
而黑安格斯牛柳肉质系全只牛最淋嫩嘅地方，幼滑松软，又唔肥，牛味又浓，称得上系牛的最佳部位。因为我近年跟得bf多，都食少少牛(主要系唔见血就ok)，多数食边位（因为熟d)，焦香十足！
配菜同样都系简单烧过嘅蔬菜，有效清走油腻感。
33 浏览
1 赞好
0 留言
甜品-暖心朱古力蛋糕配胡桃雪糕
朱古力蛋糕甜度适中，胡桃雪糕味道亦好特别！唔错！
72 浏览
0 赞好
0 留言
最后，仲有朱古力同马卡龙！
29 浏览
1 赞好
0 留言
张贴
