Waffills (已結業)

星期六，4点几经过Waffills居然没有人，当然入去试试啦^.^我和b仔爸爸一人叫一个，我就叫咗个咸嘅"泰式虾"，b仔爸爸就叫咗个甜嘅配蕉糖雪糕^.^佢地落完单就即整，所以大约要等10分钟左右。个泰式虾waffle包装得好靓，攞著都唔会觉得好热。我一咬，真系有d泰式香叶，重有薯仔粒，d虾都算多，成份饼有5只左右，d虾都爽口，但佢无汁而且唔辣，成个饼唔太够味同有d干，所以有d失望=_="但b仔爸爸个甜waffle就唔同啦，个waffle好好味，好脆，个蕉糖雪糕好好味，我食到唔停口呀，食完系唔觉得腻同饱。下次我会再食，但一定系食甜嘅，重要食佢嘅雪糕👍