醉瓊樓酒家

营业中

休息中

N年没有来，一入去，地下全枱男人，无位，上楼上，一大班建筑工人行落来，鞋衫有泥尘，楼上大圆枱，都是男人窦，有些好似判头老细好齐整。我们搭枱，有开茶，碟头饭好大碟，大碟过明记，当然有男人的浪漫-豆腐火腩饭，我们俩个美女，奇葩，之后都有3个女士搭枱，每人叫一碟蒸鲩鱼饭，好大碟。我俩叫一碟肉丝炒面，味道适中唔太咸，面唔㶶，ok,加个汤~猪肚汤$20碗，在此地方，觉得贵，算啦试吓，普通汤碗大小，汤奶白色，是腐竹，但无乜豆香，无味精无胡椒，最好好多白果，我最like。食完，有糖水送，我来的其中目的，今次芒果西米露，好有芒果味，甜度适中。但我喜欢热糖水，以前食过渣渣，好好味，最完美。